"Foin dadaun aprezenta iha Komité Revizaun Orsamentál Politika (KROP) hatudu katak, ezekusaun ba OJE 2021 pursentu ki'ik loos pursentu hira ha'u la lembra maibé ami ezekuta ki'ik”, dehan Sara Brites ba jornalista iha Ótel Novo Turizmu, Lesidere, kinta (30/09).
Ezekusaun OJE 2021 pursentu ki'ik loos tanba iha fator tolu mak halo hanesan, Estadu Emerjénsia (EE), Serka Sanitária (SS) nomós Konfinamentu Obrigatóriu (KO).
"Ho fatór sira ne'e mak halo ezekusaun OJE 2021 nia pursentu sei ki'ik seidauk, tanba ita hotu lockdown entaun labele halo ezekusaun ho di'ak”, esplika nia
Ezekusaun OJE 2021 nia tarde liu ka sei ki'ik liu mak iha setór infraestrutura ninia, maibé sira sei esforsu hodi halo ezekusaun ba másimu iha fulan tuir mai tanba Timor-Leste hakotu ona Serka Sanitária.
"Agora ita Serka Sanitária no Konfinamentu Obrigatóriu laiha ona, ita livre ona espera ita hotu esforsu hodi bele halo ezekusaun ho di'ak iha fulan tolu ikus ne'e nia laran”, hatete nia. (*)
