Prohetu alterasaun ne’e, aprezenta husi Ministru Koordenadór Assuntus Ekonómikus, Joaquim Amaral no husi Diretór ezekutivu Ajénsia Promosaun Investimentu no Exportasaun Timor-Leste, IP TradeInvest Timor-Leste, Arcanjo da Silva.

“Projetu ne’e prevé investimentu ida ho dolár amerikanu millaun 700 atu dezenvolve komplexu turístiku ida, iha área ho luan 558 ektare, iha zona entre Tasitolu no Tibar ne’ebé inklui unidade oteleira sira, kampo golfe ida, lote rezidensiál sira, sentru dezenvolvimentu ida ba jovens sira, eskola internasionál ida, ospitál internasionál ida no sentru komersiál sira”, esplika Ministru Prezidénsia Konsellu Ministrus, Fidelis Leite Magalhães, iha Pal’asiu Governu, kuarta (29/09).

Tanba komplexu turístiku ne’e, iha nia faze kriasaun nian sei kria postu traballu besik 750 no postu traballu 1300 permanente hafoin finaliza nia konstrusaun.

Prevé mós katak pursentu ualunolu (80%) husi área projetu nian sei hala’o reflorestasaun no restaurasaun ba flora no fauna. (*)