Print this page

BNCTL Sei Hamate Provizóriu Mákina ATM iha Teritóriu

By September 29, 2021 5858
Mákina Automated Teller Machine (ATM)  BNCTL. Mákina Automated Teller Machine (ATM) BNCTL. Foto Suplay

Tempotimor (Dili)-Banco Nacional de Comercio de Timor-Leste (BNCTL) deside sei hamate provizóriu ba mákina Automated Teller Machine (ATM) iha teritóriu Timor-Leste (TL) tomak, hodi halo manutensaun.

Tuir karta ne'ebé fó sai husi Jestór BNCTL nian iha pájina ofisiál, katak atividade atu hala'o manutensaun ba mákina ATM sira ne'e, sei realiza iha loron kuarta (29/9), husi tuku 22h00 to'o tuku 00:00 loron kinta (30/09).

"Prezadus klíente BNCTL, hakarak informa ba públiku katak BNCTL sei halo manutensaun ba ATM hotu, no relasiona ho manutensaun ne'e BNCTL sei hamate mákina ATM, hahú ohin, loron kuarta husi oras 22h00 to'o 00h00”, haktuir karta ne'ebé www.tempotimor.com asesu iha pájina BNCTL, kuarta (29/09).

Tanba ne'e, BNCTL husu atensaun no komprensaun prezadu ka klíente sira nian, atu la asesu ba mákina ATM durante hala'o prosesu manutensaun. (*)

Rate this item
(2 votes)
Last modified on Wednesday, 29 September 2021 17:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items