Print this page

SEFOPE Hahú Rekruta Joven Tuir Kursu Lian Korea

By September 28, 2021 1632
Sekretáriu Estadu Formasaun Profesionál no Empregu (SEFOPE), Alarico de Rosário. Sekretáriu Estadu Formasaun Profesionál no Empregu (SEFOPE), Alarico de Rosário. Foto Suplay

Tempotimor (Dili)-Governu liuhusi Sekretária Estadu Formasaun Profesionál no Empregu (SEFOPE) hahú rekruta joven sira ne’ebé hakarak tuir kursu lian Korea liuhusi plataforma online, tanba pandemia Covid-19.

"SEFOPE mós loke ona kursu ba joven sira ne'ebé atu mai tuir lian Korea. Hahú ohin loke, halo rekrutamentu ba joven sira liuhusi online, ne'ebé sé mak iha inisiativa atu tuir kursu lian Korea, bele ba aplika”, informa Sekretáriu Estadu Formasaun Profesionál no Empregu (SEFOPE), Alarico de Rosário, iha kna'ar fatin Kaikoli, tersa (28/09).

Razaun SEFOPE loke de'it kursu ho online ba timoroan sira, tanba atu evita propagasaun Covid-19, liliu atu reduz númeru kazu pozitivu iha rai laran.

"Online tanba ho situasaun Covid-19 ita labele ba dudu malu, oras ida situasaun ida ne'e bele sai fali situasaun ida ne’ebé ladun di'ak. Ne'ebé ita uza sistema ida ke online, ema liuhusi komunikasaun online de'it, la presiza ita ba dudu malu", dehan nia.

Maske iha Timor-Leste kuaze hotuhotu enfrenta problema rede telekomunikasaun, maibé husu ema hotu nia konsiénsia atu kumpri mós regra sira husi Ministériu Saúde (MS) ho Organizasaun Mundiál Saúde (OMS).

"Ne'e la'ós ema ida de'it mak hasoru ida ne'e, ema hothotu hasoru. Maibe, regra ruma mós ita labele husik hela regra, tanba desizaun Governu dehan katak ita tenke hadook-an husi moras ne'e mak, labele besik malu, distánsia, máskara, buat hothotu. Ne'e mak ita halo regra ida ne'e para prevene ba buat sira ne'e hotu”, afirma nia.

Dadaun ne’e, SEFOPE seidauk simu pedidu husi Governu Austrália no Korea, kona-ba traballadór timoroan sira atu ba servisu iha nasaun refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items