"Totál Ospiral Nasionál Guidu Valadares (HNGV) nian ne'e duzentos (200) itál”, dehan Marcelino Correia, iha Meeting Room HNGV segunda (27/09).

Lista sira ne'e prepara tuir funsionáriu sira ne'e fahe ba parte rua hanesan serbísu direta no indireta.

"Sistema ne'e Governu iha tiha ona kona-ba sira ne'e ita bolu naran direta no não direta, direta ne'e ba sira ne'ebé mak servisu iha Sala Izolamentu Vera Cruz no Lahane, sira ne'ebé mak la ba ne'ebá ne'e ita bolu não direta ne'ebé sira hotu hotu tuir tabela ne'ebé iha”, hatete nia.

Diretór Jerál Serbísu Korporativu Ministériu Saúde, Marcelo Amaral hatete, Ministériu Saúde prepara ona no hein submete ona lista sira ba Ministériu Finansas.

"Ministériu Saúde simu ona pedidiu husi klínika no ospitál no halo hela verifikasaun ba lista sira, ami asegura katak ema sira ne'ebé haruka ona mai ne'e tuir ona lei sira ne'ebé ko'alia no mós dokumentu sira kompletu ona atu Ministériu Finansas labele haruka fila tan”, dehan nia.

Tanba, tarjetu ne'e iha fulan-outubru ne'e funsionáriu sira simu ona sira-nia saláriu maibé komforme iha Ministériu saúde nia implementasaun.

Servisu liña Frente iha Ospital Nasionál Guidu Valdares ho tipu servisu direta no Indireta ne'e sei simu orsamentu ne'ebé la hanesan. (*)