Print this page

Joventude Kreativu Husu Governu Konsidera Produtu Lokál

By September 19, 2021 1994
Arsénio da Costa Pinto Cabral. Arsénio da Costa Pinto Cabral. Foto Tempo Timor

Tempotimor (Lautein)-Arsénio da Costa Pinto Cabral, nu'udár joventude ne'ebé hatudu ona nia kreatividade hodi prodúz ka fábrika mina nu’u virjen no konstrue turízmu komunitáriu iha Lagoa Henumo, Suku Soru, Postu Lospalos, Munisípiu Lautein, husu Governu atu konsidera produtu lokál iha Timor-Leste (TL).

Tanba durante ne'e, ema ladun fó importánsia ba materiál no produtu lokál ne'ebé eziste iha rai laran rasik.

"Ha'u mós husu ba Governu, tau importánsia ba produtu lokál. Produtu lokál ne'ebé saida de'it, hakiak na'in, ka kuda na'in ka, iha ona kuantidade, konsidera oituan", dehan Arsénio da Costa Pinto, iha Lagoa Henumo, Suku Soru, sábadu (18/09).

Husu Governu atu kontrola folin sasán iha merkadu, tanba durante pandemia Covid-19, ema barak ema manipula presu iha merkadu, hodi la fó biban ba kompaña no emprezáriu timoroan sira-nia produtu rasik.

"Labele aproveita tempu hasa'e nia folin. Tanba durante mina ne'ebé ha'u fa'an antes iha pandemia US$5, mais pandemia ha'u hatun ba US$3 ba programa sesta bázika", hatete nia.

Nune'e, husu ba timoroan sira labele aproveita situasaun Covid-19 hodi hetan lukru, maibé oinsá mak atu kontribui ba kompaña, ho Governu mós bele book-an.

"Tanba folin ne'e ita mak hatene, labele buka lukru boot, oinsá mak manán uluk send, depois mak ba dollár. Osan husi mina ne'e mak ha'u reinveste fali ba fatin turízmu ne'e, ho hakiak karau, fahi no agora komesa hamoos ona rai, hodi kuda karau nia hahán", esplika nia. (*)

Rate this item
(0 votes)
Last modified on Sunday, 19 September 2021 20:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items