SEKoop Agradese Ekipa Fornesidór Sesta Bázika iha Manatutu

Sekretáriu Estadu Kooperativa (SEKoop), Elizário Ferreira, entrega hela sertifikadu apresiasaun ba autoridade lokal sira durante implementasaun programa sesta Bazika, iha Munisipiu Manatutu. Sekretáriu Estadu Kooperativa (SEKoop), Elizário Ferreira, entrega hela sertifikadu apresiasaun ba autoridade lokal sira durante implementasaun programa sesta Bazika, iha Munisipiu Manatutu. Foto Suplay

Tempotimor (Manatutu)-Governu liuhusi Sekretária Estadu Kooperativa (SEKoop), hato'o agradese ba ekipa sira hanesan kompaña fornesedór sira, autoridade lokál no komunitáriu inklui Komandu Polísia Nasionál Timor-Leste (PNTL), iha Munisipiu Manatutu, tanba servisu hamutuk iha distribuisaun ai-hán Sesta Bázika  ba populasaun sira ho susesu.

"Lori oitavu Governu nia naran, atu agradese de'it ba administradór munisípiu, postu, komandante polísia munisípiu, postu, nomós OPS (Ofisiál Polísia Suku) sira, hothotu ninia kontribuisaun mak susesu ba distribuisaun sesta bázika ne'e ohin loron bele hetan rezultadu di'ak", dehan Sekretáriu Estadu Kooperativa (SEKoop), Elizário Ferreira, durante diskursu iha Salaun Administrasaun Munisipál Manatutu, kinta (16/09).

Tanba ne'e, Governu liuhusi Sekretária Estadu Kooperativas, hakarak agradese ba esforsu tomak ne'ebé mak hatudu ona husi parte hothotu.

"Atu hato'o ba kompaña sira ne'ebé mak iha difikuldade barak, situasaun ida difísil, maibé konsege duni halo kooperasaun ho autoridade lokál, OPS sira, liliu sira ne'ebé mak servisu maka'as hodi ezekuta servisu distribuisaun sesta bázika ne'e", hatete nia.

Reprezentante Kompaña Fornesedór SB, Diretóra Kompaña Santos Unip.Lda, Maria da Gloria dos Santos, konsidera sesta bázika nu'udár programa rekuperasaun ekonómika ida ne'ebé Governu hala'o, hodi responde ba situasaun hamlaha, tanba kauza husi pandemia globál Covid-19.

"Aproveita mós oportunidade ida ne'e hakarak agradese ba Oitavu Governu ne'ebé fó duni oportunidade ba empregadór nasionál sira, em partikular ba ami-nia kompaña hodi envolve mós iha programa ida ne'e (sesta bázika)", dehan nia.

Komandante PNTL Munisípiu Manatutu, Superintendente João da Costa hatetete, durante fahe ai-hán sesta bázika nia haree katak iha munisípiu Manatutu, atividade hotu la'o ho di'ak, tanba laiha problema, no diferente ho munisípiu sira seluk ne'ebé ema sempre krítika kona-ba folin no kuantidade sasan ne'ebé sa'e.

"Ida ne'e mak iha oportunidade ida ne'e ha'u hakarak hato'o mós ba entidade hothotu ne'ebé mak iha inísiu to'o mai ohin loron buat hothotu la'o ho di'ak, tanba ita hotu servisu hamutuk to'o programa ne'e finaliza ho di'ak", dehan nia.

Entretantu, Munisipiu Manatutu, iha Postu Laleia, Laklo, Manatutu Villa, Laklubar, Soibada ho  Natarbora, ho Suku hamutuk 31, aldeia 106. Tuir dadaun populasaun iha tinan tinan 2018 ema hamutuk rihun 54.032, husi feto rihun 26.372, mane iha 27.660. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter