"Imi rua, komu besik malu hela iha ne'e, loke imi-nia klínika ida. Klínika kooperativa Moris Foun Fuiloro. Depois membru sira la presiza selu. Ema sira ne'ebé mak la'ós membru, kontribui. Imi bele halo klínika ida, haree ita-nia oan sira ne'ebé eskola iha médiku sira ne'e, haruka sira mai konsulta iha ne'e fó konlsulta gratis ba membru kooperativa", dehan Elizário Ferreira, iha Sede kooperativa CU Moris Foun, Aldeia Titilari, Suku Fuiloro, Postu Administrativu Lospalos, Munisípiu Lautein, sesta (17/09).
Maibé husu mós ba membru sira atu hatudu kreatividade badinas halo atividade oioin, nune'e bele dada konfiansa komunidade sira hotu nian hodi hola parte ba kooperativa.
"Kreativu hanesan ne'e para ema bele mai. Klínika kooperativa, loke tan imi-nia restaurante kafé oan ida, ami mai tuur haree hanesan ne'e, hemu tiha kafé mak ami ba", afirma nia.
Sekretáriu kooperativa CU Moris Foun, Jacob Dumarain Zacarias, konsidera ideia ne'ebé di'ak, maibé sei buka esforsu atu habarak tan lai sira-nia membru.
"Ami sei haree, tanba kooperativa CU sei moris di'ak, la'o ho di'ak, ami sei loke hanesan ne'e. Maibé iha posibilidade atu ami loke ida ne'e, tanba Munisípiu Lautein, liliu Postu Lospalos ne'e oinsá para membru ne'e tama hotu, e barak tiha mak ami foin haree ona klínika, buat ne'ebé exelénsia hato'o", hatete nia. (*)