Login to your account

Username *
Password *
Remember Me

MTKI Hili Suku 5 Sai Pilotu Dezemvolvimentu Turizmu Komunitáriu

Programa pilotu ba Dezemvolvimentu Turizmu Komunitáriu suku Maubise, Postu Adminstrativu Ainaro Villa ho Ministru Turizmu Komersiu Industria (MTKI), José Lucas do Carmo da Silva asina hela  aktu kontratu iha Salaun MTKI, sesta (17/09). Programa pilotu ba Dezemvolvimentu Turizmu Komunitáriu suku Maubise, Postu Adminstrativu Ainaro Villa ho Ministru Turizmu Komersiu Industria (MTKI), José Lucas do Carmo da Silva asina hela  aktu kontratu iha Salaun MTKI, sesta (17/09). Foto Tempo Timor

Tempotimor (Dili)-Governu liuhusi Ministériu Turizmu, Komersiu no Industria (MTKI) hili ona suku lima (5) atu sai programa pilotu ba dezemvolvimentu turizmu komunitáriu.

Ministru Turizmu, Komersiu no Industria (MTKI), José Lucas do Carmo da Silva hateten, programa pilotu ba dezemvolvimentu turizmu komunitariu  ne’ebé Governu husu atu ekipa sira tenke responsabilidade ba nia kualidade hodi sustenta ba komunidade sira iha terenu.

"Tempu ne'e kleur ona oportunidade ne'e rara nunka mai maibé agora iha ona ita-nia liman kestaun boot ida ne'ebé mak responsabiliza ba mak responsabilidade ba kualidade programa iha implementasaun ne'e tenke mai ho nia kualidade hodi nune'e ita bele brani temi Sustentabilidade", dehan Ministru iha Salaun MTKI , Farol, kinta (17/09).

Atu lori sustentabilidade ba povu liliu iha terenu atu sente Governu nia konstribuisaun liuhusi turizmu sira ne'e tanba bele fasilita komunidade sira hodi sente dezenvolvimentu iha área rurál.

Suku lima ne’ebé Governu hili sai hanesan programa pilotu ba dezemvolvimentu turizmu komunitáriu iha tinan 2021 hanesan suku Maubise, Postu Adminstrativu Ainaro Villa, Suku Nunumoge, suku Uaimoritula, Postu Administrativu Vikek’e Villa, Munisípiu Vikeké, Suku Uailili, Postu Administrativu Baukau Villa, no Suku Seloi, Munisípiu Aileu.

Xefe Suku Uailili, Hernani de Jesus Araujo, sente orgullu tebe tebes tanba liuhusi Ministru Turizmu bele hili suku Uailili sai pilotu ba turizmu komunitáriu.

“Ami komunidade sira sente kontente tanba Uailili iha área pontesiál ba turizmu komunitáriu barak , turizmu relijiozu, turizmu  kulturál  no turizmu a rejisténsia”, dehan Hernani.

Reprezentante Suku Seloi, Munisípiu Aileu, Jeremias da Costa, husu ba responsabilidade grupu sira katak simu responsabilidade ida ne’ebé todan tanba atu lori ema atu lori dezenvolvimentu ba ema atu moris di'ak ne'e presiza atu sakrifika atu hasoru dezafiu tomak.

Programa pilotu dezemvolvimentu turizmu komunitáriu kada suku iha nia montante orsamentu ne'ebé diferetes hanesan husi suku Maubisse, US$41,070, Suku Nunumoge US$30.230, Suku Uaimoritula US$16,150, Suku Uailili US$ 100.200 no Suku Seloi US$ 49.900. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter