Login to your account

Username *
Password *
Remember Me

KROP Aprova Tetu Fiskál Proposta OJE 2022 Billaun US$ 1.675

Tempotimor (Díli)-Komité Revizaun Orsamentu Polítiku (KROP) ne’ebé lidera husi  Primeiru Ministru, Taur Matan Ruak, aprova ona Tetu Fiskál ba Orsamentu Jerál Estadu (OJE) tinan 2022 ho montante hamutuk billaun US$1,675, kinta (16/09).

Husi OJE 2022 ho montante Billaun 1.675 ne'e sei uza ba programa iha Ministeriál sira hamutuk 43 liuhusi prioridade neen.

"Tetu fiskál aprovadu husi KROP ho montante billaun US$1,675 ne’e sei uza hodi implementa programas 43 iha perímetru OJE tinan 2022 liuhusi prioridade nasionál neen hanesan primeiru, Dezenvolvimentu Kapitál Umanu (Edukasaun, Formasaun Profisionál no Saúde) segundu mak Abitasaun no Inkluzaun Sosiál) , Terseiru mak Setór Produtivu (Agrikultura no Turizmu), Ambiente no Konektividade; kuartu Dezenvolvimentu Setór Privadu no Kooperativa; no kintu nia Dezenvolvimentu Rurál; no 6) Boa Governasaun ho objetivu atu atinje dezenvolvimentu ida ne’ebé kualidade ho kresimentu ekonómiku ne’ebé inkluzivu no sustentável”, informa Ministru Finansas, Rui Gomes lihusi Pájina Ofisiál Ministériu Finansas, ne’ebé www.tempotimor.com asesu, sesta (17/09).

Alinde ne'e iha pontu haat mak Komité Revizaun, Orsamentu Polítiku  uza hodi halo diskusaun apresiasaun ba OJE 2022.

"Pontu importante sira ne’ebé mak KROP uza hodi halo diskusaun no apresiasaun ba Proposta Orsamentu husi Ministériu, Servisus Fundu Autónoma, Instituisaun Estadu no Munisípiu sira mak hamenus Sustentabilidade Fiskál, Istória Ezekusaun no Kapasidade Ezekusaun, Kualidade Orsamentu no Tetu Agregadu OJE 2022", esplika nia.

Ba oin, ekipa tékniku sira sei prepara redasaun finál atu Ministériu Finansas bele aprezenta ba Konsellu Ministrus iha semana oin hodi hetan deliberasaun no aprovasaun nu’udar proposta OJE 2022.

Hafoin hetan aprovasaun, Ministériu Finansas sei hahú prepara Livru I to’o Livru VI Proposta OJE 2022 inklui dokumentu adisionál sira no Governu sei entrega ba Parlamentu Nasionál iha fulan-outubru tinan 2021. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter