Print this page

Projetu Espansaun Aeroportu Nicolau Lobato, KM Autoriza MF Asina Akordu ho ADB

By September 15, 2021 2589
Aeroportu Internasioonal Prezidente Nicolau Lobato Komoro-Dili. Aeroportu Internasioonal Prezidente Nicolau Lobato Komoro-Dili. Foto Suplay

Tempotimor (Díli)-Konsellu Ministru (KM) liuhusi reiuniaun iha loron kuarta (15/09) delibera no autoriza ona Ministru Finansas (MF), Rui Augusto Gomes, asina akordu ho Banku Dezenvolvimentu Aziátiku (ADB) ba Projetu Espansaun Aeroportu Internasionál Prezidente Nicolao Lobatu, Komoro-Dili.

"Konsellu Ministrus delibera atu autoriza selebrasaun ba akordu finansiamentu ida ho Banku Dezenvolvimentu Aziátiku, relasiona ho Projetu Espansaun Aeroportu Internasionál Prezidente Nicolau Lobato. Konsellu Ministrus fó podér tomak ba Ministru Finansas, Rui Augusto Gomes, hodi asina akordu ne’e”, dehan Ministru Prezidensia Konsellu Ministru (MPKM), Fidelis Leite Magalhães, hafoin reuniaun Konsellu Ministru iha Palásiu Governu, kuarta (15/09).

Projetu ne'e mós sei fokus ba pista aterrajen, inklui mós hari’i torre foun no instalasuan seluk ne'ebé mak presiza tebes ba nesesidade aeroportu nian inklui atu kontrola servisu polísia migrasaun sira-nian.

"Projetu ne’e prevé estensaun ba pista aterrajen, torre kontrolu foun ida no reabilitasaun ba instalasaun sira seluk", esplika nia.

Iha ámbitu Projetu Espansaun Aeroportu Internasionál Prezidente Nicolau Lobato, Konsellu Ministrus delibera atu autoriza, ba dezenvolvimentu projetu faze dahuluk nian, loke prosedimentu aprovizionamentu tolu, ho tipu konkursu públiku internasionál, ba adjudikasaun kontratu públiku ba kontratasaun empreza sira ba konsesaun no konstrusaun, ba fornesimentu servisu supervizaun no jestaun projetu nian.

Governu konsidera hodi fó indiminizasaun ba sidadaun ne'ebé mak afeitadu ba projetu, no komunidade balun sai ona husi fatin refere.

"Ida ne'e la'ós foin hahú fó indiminizasaun maibé uluk kedas no balun oras ne'e sai ona ita konsidera sira tanba sira ita-nia sidadaun ne'ebé hela iha fatin afeitadu sira ne'e”, dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items