Print this page

Aniversáriu ba Dala-10, BNCTL Atribui Prémiu ba Rádiu Komunidade Maubisse

By September 14, 2021 2384
Logo Banku Sentrál Timor-Leste (BCTL). Logo Banku Sentrál Timor-Leste (BCTL). Foto Suplay

Tempotimor (Dili)-Banku Sentrál Timor-Leste (BCTL), iha loron segunda (13/09) selebra aniversáriu ba dala-10, hodi atribui prémiu ba entidade kontribuente Rádiu Komunldade Maubisse-Mauloko, tanba durante ne'e promove ona Kampu dijitál iha Postu Administrativu Maubisse, Munisípiu Ainaro.

Tuir karta ne'ebé fó sai husi Governadór BCTL, Abrão de Vasconselos, iha loron 13 Setembru 2021, BCTL marka ninia aniversáriu (ejistensia) nu'udar Banku Sentrál Timor-Leste nian ba dala-sanulu.

Kada tinan, BCTL hala'o serimónia aniversáriu haktuir iha kustumi BCTL nian, katak aniversáriu ne'ebé hala'o iha mós anúnsiamentu prémiu prestijiu Banku Sentrál-nian.

Maibé, tinan ida-ne'e, situasaun pandemia ne'ebé afeta mundu tomak, inklui-mós Timor-Leste, mak BCTL deside la-komemora nia-aniversáriu, maibé, BCTL deseja kontinua mantein nia-kustumi atu konsede prémiu Banku Sentrál nian (Centra Bank Awards) iha nia loron aniversáriu.

Prémiu Centra Bank Awards ne'e kontein kategória rua, Kategória Outstanding no kategória Excellent.

Husi Kategória prémiu rua-ne e, sei atribui ba ema ka entidade ne'ebé serve duni atu hetan tanba rekoñesimentu ba ninia kontribuisaun ba dezenvolvimentu iha setor finanseiru ne'ebé benefisia populasaun enjerál iha Timor-Leste.

Tanba ne'e, BCTL konsidera kandidatu-ida ne'ebé halo esforsu espesiál no fó kontribuisaun exelente ba publikasaun notísia simples, kualitativu no informativu ne'ebé refleta ba fonte informasaun adekuadu no insentiva públiku atu utiliza servisu finanseiru.

"lda-ne’ hanesan kontribuisaun impotante ba dezenvolvimentu setór finanseiru iha Timor-Leste, partikularmente iha
área-rural-sira", hatete Governadór liuhusi komunikadu ne’ebé www.tempotimor.com asesu, tersa (14/09).

Nune'e BCTL deside, entidade, Rádiu Komunldade Maubisse-Mauloko, mak-merese ba prémiu kategória Excellent lda-nee, tanba sira hanesan parseiru valiosu ne'ebé apoiu programa nasionál BCTL nian hodi promove " Kampu Digitál " iha Postu Administrativu Maubisse durante tinan 2020.

Tanba restrisaun Covid-19, prémiu ida- ne'e, sei entrega diretamente ba Rádiu Komunidade Maubisse-Mauloko iha tempu-mai. (*)

Rate this item
(1 Vote)
Last modified on Tuesday, 14 September 2021 12:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items