SEKoop Sei Buka Mekániku Hadi'a Mákina MOKATIL iha Aileu

Mákina uza ba dulas batar ho kafé, durante ne'e rai de'it iha Sede MOKATIL, Suku Liurai, Postu Administrativu Aileu Villa, Munisípiu Aileu, segunda (13/09). Mákina uza ba dulas batar ho kafé, durante ne'e rai de'it iha Sede MOKATIL, Suku Liurai, Postu Administrativu Aileu Villa, Munisípiu Aileu, segunda (13/09). Foto Tempo Timor

Tempotimor (Dili)-Sekretáriu Estadu Kooperativa (SEKoop), Elizário Ferreira sei buka esforsu ka buka mekániku ruma atubele tulun membru Movimentu Kamponezes Timor-Leste (MOKATIL) hodi halo manutensaun ba mákina sira ne'ebé durante la uza tanba kondisaun at, iha sede Mokatil, iha Suku Liurai, Postu Administrativu Aileu Villa, Munisípiu Aileu.

"Hanesan kapitál agora dadauk sira iha mak ekipamentu e parte sekretária de estadu mós sei asegura, buka ofisina sira ne’ebé di'ak atu oferese tékniku hadi'a mákina sira ne'ebé aloka iha ne'e atu bele di'ak liután hodi halo operasaun, e motiva nafatin sira atu nune'e nafatin kuda, hakiak, hodi oferese ba merkadu. Ida ne'e mak parte edukasaun ida", hatete Elizário Ferreira, iha Sede MOKATIL, Suku Liurai, Aileu, segunda (13/09).

Husi parte tékniku nian, bainhira mákina hirak ne'e halo hotu ona nia manutensaun, membru sira uza servisu atubele jere kooperativa ho di'ak liután hodi asegura nia sustentábilidade institusionál, nia estabilidade finanseira no estabilidade ekonómiku, inklui asegura membru sira-nia bein-estár iha família ida nian.

Nune’e fó hanoin ba membru MOKATIL sira, tenke halo servisu kooperativa ida ne'ebé nia benefísiu ba duni membru sira, la'ós dependénsia fali ba ema seluk, ka rezultadu servisu labele entrega ba ema seluk mak jere fali.

"Instituisaun ne'ebé hahú husi leten ba kraik, sei la moris e kooperativa sei mate. Maibé, instituisaun ida husi kraik, nia sei fó ba nia moris rasik. Kooperativa ne'e moris, imi-nia kapitál mak to'os ne'ebé imi halo, imi-nia kapitál mai animal sira ne'ebé imi hakiak", hatete nia.

Prezidente MOKATIL Munisípiu Aileu, Januário Ximenes Araújo hatete, mákina hirak ne'e durante paradu, la'ós tanba nia kondisaun mak aat, maibé tanba kauza husi situasaun globál pandemia Covid-19, nomós regra balu ne'ebé limita ema nia atividade, ikus mai prejudika toos na’in sira labele halo servisu.

"Mákina sira ne'e la'ós aat, maibé durante ne'e ami mak la halo duni operasaun. Maibé, ami agradese ba sua-exelénsia SEKoop, bele ajuda sira atu hakmaan servisu balu, hanesan atu halo manutensaun ba ami-nia mákina”, afirma nia.

Enkuantu, mákina sira ne'e kompostu husi dulas batar Kay Rala, sorgum inklui seluk tan, ne'ebé tulun husi governasaun anterior, liuhusi eis Sekretária Estadu Kooperativa (SEkoop), Arsénio Pereira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter