MJ Husu Adisionál Millaun US$2 ba KROP Hadi’a SNC

Ministru Justisa (MJ), Manuel da Costa Carcéres. Ministru Justisa (MJ), Manuel da Costa Carcéres. Foto Suplay

Tempotimor (Díli)-Ministru Justisa (MJ), Manuel da Costa Carcéres, husu orsamentu adisionál hamutuk millaun US$2 ba Komité Revizaun Orsamentu Politika (KROP) iha Orsamentu Jerál Estadu (OJE) 2022 atu hadi’a sistema konsiderasaun ba proposta adisionál hodi hadia sistema Nasionál Kadastru (SNC).

"Ohin ha'u mai halo proposta ida husu adisionál, ida ba sistema nian ne'e presiza liu millaun rua-resin oituan buat naran proposta de'it ne'e la'ós obrigatóriu, ha'u iha razaun ha'u fó hotu tiha sira, ha'u mós husu boot ba Maromak para sira simu para depois rai netik legadu ida ba sidadaun sira”, dehan Manuel Carcéres, hafoin reuniaun KROP iha Ministériu Finansas, Aitarak Laran, sesta (10/09).

Husi proposta ne'e Governu iha intensaun atu fó sertifikadu rai ba sidadaun sira hodi fasilita bainhira sidadaun sira halo kréditu ruma ba sidadaun sira ne'ebé mak halo negósiu.

"Tanba projetu ne'e foun, sira ohin rona ona ha'u-nia esplikasaun agora depende ba sira maibé intensaun Governu nian ne'e tenke fó sertidaun na’in ba rai ba ita-nia sidadaun sira tanba iha sertidaun rai fasilita tebes sidadaun sira, Banku sira lakohi fó kreditu ba sidadaun sira tanba laiha rai o nia jaminan saida?: Ida mak rai ne'e", hatete nia.

Tanba projetu Sistema Nasionál Kadastru (SNC) ne'ebé mak remata ona servisu identifika rihun-300-resin parsela, nune'e rihun-42 mak sei disputa hadau malu rai, sira ne'ebé mak sei hadau malu nune'e, hatama ona ba Primeiru Ministru ho Miniterius Justisa nomeia ona ekipa tékniku sira atu rezolve ema rihun-42 ne'ebé sei disputa rai ne'e.

"Liu 250 mil mak laiha ona disputa maibé atu simu sertifikadu agora tenke ser iha sistema ida para bele produz sertifikadu rai ne'e ba ita-nia sidadaun sira atu haforsa sistema demis iha notariadu tanba dadus hamutuk 250 ne'e la'ós oituan”, hatutan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter