Projetu Dekretu Lei ne’e aprezenta husi Vise Ministra Solidariedade Sosiál, Signi Chandrawati Verdiál, ne’ebé kria subsídiu ba inan isin-rua no ba labarik sira, designadu nu’udar bolsa da mãe - jerasaun foun, no ba alterasaun dahuluk ba Dekretu-Lei nu.18/2012, loron 4 fulan-abril.
Prezidensia Konsellu Ministru (MPKM), Fidelis Leite Magalhães esplika, Projetu Dekretu lei ne'e, atu reforma bolsa da mãe - jerasaun foun no ba alterasaun dahuluk ba Dekretu lei refere.
"Ho projetu ida ne'e atu reforma programa bolsa da mãe tanba ho hanoin ida ne'e mak bele jere impaktu siknifikativu hodi hamenus ba promosaun kapitál umanus nasionál", dehan Fidelis hafoin Reuniaun konsellu Ministru iha MF Aitarak Laran, kuarta (01/09).
Tanba Bolsa da mãe, hahú integra ba prestasaun adisionál rua mak hanesan inan isin-rua ba primeira infansia hodi hadi'a saúde no nutrisaun materna no infantil tanba atu promove ekonómika lokál.
Programa ne'e sei haluan ba Timor laran tomak durante tinan lima no sei hahú iha tinan 2022 ba Munisípiu Ainaru, Bobonaru RAEOA, no tinan 2023 aplika Bolsa da mãe kontinua ba Munisípiu Covalima, Likisá, Manatutu, no Vikeké.
Ba tinan 2024 ba Munisípiu Ermera, Baukau, Aileu, Lautein, ikus liu Bolsa da mãe ne'e hamutuk iha Munisípiu Dili iha tinan 2025. (*)
