Login to your account

Username *
Password *
Remember Me

Governu Tenke Responsabiliza Sidadaun Rihun-25 Seidauk Hetan Sesta Bázika

Diretur Ezekutivu LABEH, Christopher Henry Samson, ko'alia hela ba media sira iha kna'ar fatin Kampung Baru, kuarta (25/08). Diretur Ezekutivu LABEH, Christopher Henry Samson, ko'alia hela ba media sira iha kna'ar fatin Kampung Baru, kuarta (25/08). Foto Tempo Timor

Tempotimor (Dili)-Diretur Ezekutivu Lalenok Ba Ema Hotu (LABEH), Christopher Henry Samson hatete, Governu tenke responsabiliza ba sidadaun rihun-25 ne'ebé seidauk simu sesta bázika.

Sesta bázika polítika di'ak tanba Governu iha inisiativu hodi halo programa no LABEH nunka kontra inisiativa ida ne'e.

Maibé saida mak akontese iha implementasaun Governu hanesan fase liman, intrega sesta bázika ba kompaña sira mak halo buat hothotu no ba fahe rasik sasán no sidadaun balun simu balun la simu.

"Tanba ne'e LABEH bolu antesaun nafatin ba Governu, favor ida responsabiliza ba sidadaun sira ne'ebé reklama direitu ba sesta bázika ne'ebé to'o agora seidauk hetan, la bele halo diskriminasaun ba povu ida ne'e, balun simu ona, balun seidauk, balun reklama ema la liga rai no ema sente buat hotu los hotu ona, ne'e la bele", dehan nia iha edifísiu LABEH Kampung Baru, kuarta (25/08).

Maibé, at liután tempu estadu Emerjénsia hodi halibur ema barak, tuir lolos sesta bázika tenke ba kada uma maibé ohin loron rona reklamasaun ema na'in-4 iha um, na'in-2 mak simu, ema na'in-6 iha uma, na'in-3 mak simu, ne'e kontradis sesta bázika ne'e rasik.

LABEH halo monitorizasaun ba sasán ne'ebé oferese hodi hatete, responsabilidade Governu iha implementasaun ne'e mínimu tebtebes.

"Ami halo monitorizasaun iha Ermera rai ne'ebé nakonu ho kafé e sesta bázika lori tan kafé ba sira, iha Ainaro modo oioin sesta bázika lori tan modo oioin ba sira, ita iha situasaun difísil tanba sa Governu la tau matan la tuir emprezariu hodi bele hatene", afirma nia.

Enkuantu sesta bázika seidauk rezolve tanba ema reklama sira-nia direitu barak tebes no husu nafatin ba Governu atu responsabiliza ba ema ne'ebé seidauk hetan sira-nia direitu tuir sesta bázika.

"Sira ne'ebé lakoi simu ne'e sira-nia direitu maibé sira ne'ebé reklama tanba sira hakarak simu maibé sira la simu ida ne'e Governu tenke responsabiliza ba sira", dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter