Print this page

Uma-kain 317 iha Hoho-Rai Seidauk Asesu Eletrisidade

By August 24, 2021 1030
Lina Eletrisidade. Lina Eletrisidade. Foto Suplay

Tempotimor (Manatuto)-Komunidade uma-kain hamutuk atustolu-sanolu-resin-hitu (317) iha Suku Hoho-Rai, Postu Administrativu Laklo, Munisípiu Manatuto durante ne'e seidauk asesu ahi-eletrisidade.

"Iha ha'u-nia Suku ne'e, iha uma-kain hamutuk 317 mak seidauk asesu ba liña eletrisidade desde ukun-an to'o mai agora", dehan Xefe Suku Hoho-Rai, Albino Soares, iha Munisípiu Manatuto, tersa (24/08).

Tanba ne'e husu ba parte relevante sira atubele tau matan ba problema ne'ebé komunidade enfrenta iha suku tomak.

Ho ida ne'e hatudu suku Hoho-Rai seidauk moris iha izolamentu, maske ukun-an ona, tanba povu barak asesu ahi-eletrisidade

Antes ne'e haruka ona proposta ba ministériu relevante sira, maibé laiha rezultadu no resposta husi parte relevante sira to'o agora

Administradór Munisípiu Manatuto, Bernardo Lopes hatete, jeografikamente Postu Administrativu Laklo diferente ho postu sira seluk, tanba uku Hoho-Rai área remotas no susar atu hetan liña eletrisidade.

Maibé foti ona medida hodi rezolve ba kestaun ne'e iha tempu badak no sei oferese solár panel hamutuk atushaat-tolunolu-resin-hitu (437) ba komunidade sira ne'ebé seidauk asesu liña eletrisidade.

Totál populasaun suku Hoho-Rai hamutuk 1.359 ho aldeia Hatu-Ermera, Miri-Huhun, Ani-Colau, no Hatu-Anahun. (*)

Rate this item
(0 votes)
Last modified on Tuesday, 24 August 2021 22:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items