"Iha Dili dadaun ne'e Ministériu Obra Públika prepara abitante uma halo ona estudu se buat hothotu di'ak 2022 remata estudu hotu ba to'o 2023 bele halo lansamentu uma ba família rihun-rua iha Hera, atu halo saida?. Populasaun ne'ebé tur namkari okupa rai estadu nian iha sidade laran sira bele mai hela hotu iha ne'ebá hamamuk fali rai halo fali buat seluk”, dehan PM Taur iha Uaibitai, Suku Letemumu, sábadu (21/08).
Tanba Governu iha ona planu atu defini no organiza sidade Díli sai organizadu iha futuru.
"Atu organiza ema sidade ne'e ita tenke organiza la'ós ema tama ita-nia sidade hodi kompara iha Tempu Portugál nian di'ak liu no Indonézia nia di'ak liu maibé Timor ukun an sabraut tiha de'it tanba ita la organiza”, hatete Taur.
Xefe Suku Fatuhada, Marcelino Soares hatete, iha planu programa Governo nian deside ona fatin tolu mak sai fatin realokasaun ka hasai komunidade.
“Ne’ebá (Eis merkadu Comoro) ne'e tama ona oitavo Governu nian, iha ne'e iha fatin tolu mak programa kona, ida mak mak iha Hali dólar Hera, ida mak Eis Comp B74 Bekora, ida mak Eis Merkadu Komoro ne'e rasik, fatin tolu ne'e tama iha programa oitavu Governu nia realokasasaun nian. Realokasuan ne'e siknifika katak Governu hasai tiha Sira, sira fali rejista mak tama, atu prevene buat ida insendiu ne'e”, dehan nia. (*)