"Ohin komunidade iha área Uaibitai nian. Ohin (21/08) ha'u partilla iha ne'e katak ha'u sei esforsu atu iha fim do ano ida ne''e oinsá mak atu rezolve Uaibitai ninia, entaun ohin ha'u husu tékniku supervisor EDTL, fó hatene ha'u katak husi Laumana sa'e mai 2.5 Kilometru entaun ita bele uza liña Kabu Baixa tensaun bele dada, entaun laiha problema ha'u fila ba Dili ha'u sei lori ba konsellu administrasaun atu aprova depois ami haree depois ami haree osan ruma atu iha fim do ano ita haree”, deklara Paulo iha Uaibitai, Laumana, sábadu (21/08).
Maibé husu ba komunidade sira atu koopera hamutuk hodi halo instalasaun iha área Uaibitai nian, atubele fasilita sira asesu ahi-eletrisidade.
"Se bele ita servisu hamutuk tanba ami-nia ema la to'o ho ida ne'e husu atu na’in hira kontribui bainhira iha fim do anu ekipa tékniku sira mai”, afirma nia.
Xefe Suku Letemumo, Justino Moreira Soares, husu ba Primeiru Ministru, Taur Matan Ruak atu rai hela jerador ne'ebé Eletrisidade de Timor-Leste fasilita ba atividade retiru nasionál entre Sosiedade Sivíl no Governu konstitusionál iha Uaibitai.
"Ha'u kontente sua esénlensia iha área Uaibitai tanba jeradór boot ida mosu iha Uaibitai provizóriu ita uza ba atividade ida ne'e seraké lori fila husi komunidade Uaibitai tur iha naroman iha loron balun de'it”, dehan nia. (*)