Print this page

MKAE Lakohi Ko’alia Problema Fornesidór SB Lakumpre Kontratu

By August 21, 2021 1490
Ministru Koordenadór Asuntu Ekonómiku (MKAE) Joaquim Amaral. Ministru Koordenadór Asuntu Ekonómiku (MKAE) Joaquim Amaral. Foto Suplay

Tempotimor (Dili)-Ministru Koordenadór Asuntu Ekonómiku (MKAE) Joaquim Amaral, hatete nia parte lakohi ko’alia kompaña fornesidór sesta bázika la kumpre kontratu, tanba Governu iha hela prosesu atu rezolve diretu reklmante sira.

“Depois prosesu seluk la'o tuir ninia dalan, tuir nia tempu, ita haree, sei verifika, grau verasidade, se sé mak envolve iha nível inkomprimentu kontratu ne'e depois sei haree. Purenkuantu prosesu sei la'o, ha’u lakoi ko’alia buat naran sa, importante liu mak benifisiáriu sira ne'ebé seidauk sira-nia diretu, simu uluk”, dehan nia ba www.tempotimor.com hafoin partisipa selebrasaun loron FALINTIL ba dala-46 iha Kuartel Jenerál, sesta (20/8).

Maske, deputadu no sosiedade sivíl husu atu investiga kompaña fornesidór sesta bázika maibé parte Governu hanoin katak, kestaun ne'e kontratu mak sei regula kompaña ida-idak ninia obrigasaun no ninia diretu, tanba ne'e atu ezekuta tenke tuir prosesu legál.

Tanba Governu fó kontrata ba kompaña halo servisu tuir prosedimentu sira ne'ebé iha. No agora dadauk sei rezolve hela, reklamasaun, no Governu hanoin sei haree, servisu sira mai oin, kontinua halo servisu tuir regra ho prosedimentu ne'ebé iha.

“Problema ne'e, ema hotu halo servisu, tuir prosedimentu kontratuál ne'ebé iha, ne'ebé kontratu iha lei vinkula, diretu ho obrigasaun ne'ebé parte estadu ho parte kompaña atu halo”, hatete nia.

Tanba ne'e, rezolusaun ba pendente sira, reklamasaun sira ne'e la'o, no Governu hein katak, iha fulan-agostu nia laran, bele rezolve sira ne'ebé seidauk simu, bele simu ona sira-nia diretu.

Antes ne'e, Deputadu bankada CNRT, Arão Noe Amaral, husu Governu presiza halo investigasaun ba kompaña ne'ebé distribui programa sesta bázika tanba deskonfua balun komete heka iregularidade.

Nune'e mós Diretór Ezekutivu Yayansan HAK, Sisto dos Santos, deskonfia programa sesta bázika fo benifisia de'it ba partidu no kompaña sira no la'ós ba povu. (*)

Rate this item
(0 votes)
Last modified on Saturday, 21 August 2021 20:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items