“Iha ami-nia Suku ne'e, iha uma-kain 70 iha aldeia rua, aldeia Lariledana no aldeia Saelari mak seidauk asesu ba liña eletrisidade, tanba sira hela liu iha área rurál, nune'e to’o agora seidauk hetan eletrisidade”, dehan Xefe Suku Mateus liuhusi telfone, sábadu (21/08).

Nune'e husu ba parte relevante sira atu bele tau matan ba problema  ne'e, tanba iha uma-kain hirak ne'ebé laiha liña eletrisidade fó impaktu ba sira hodi la asesu ba informasaun ruma  iha nível nasionál liuliu dezenvolvimentu rai laran nia.

Antes ne'e hatama ona proposta dalabarak  maibé nafatin laiha rezultadu to’o agora, tanba ne'e komúnidade espera Governu nia mandatu ne'e sira bele asesu ona liña Eletrisidade

Entretantu totál populasaun suku Saelari hamutuk 2.731, ho nia aldeia 9 totál uma-kain 545. (*)