"Iha família uma-kain 271 ho membru família 1.362 mak sei hela iha iha sentru akollamentu hitu, no família sira ne'e kontinua iha sentru akollamentu hodi hein planu re-alokasaun”, dehan Joaquin José iha Kaikoli, sesta (20/08).
Tuir dadus SEPS nia, família afetadu ba dezastre naturál iha fulan-Abríl liuba hamutuk 30.636 no uma ne'ebé hetan estragu hamutuk 4.435 maioria iha Dili, simu ona apoiu umanitáriu 28.080 ho ekivalénsia (92%).
Husi númeru uma ne'ebé hetan estragu simu ona apoiu rekoperasaun ba materiál konstrusaun hamutuk 1.235 no seidauk simu hamutuk 3.170.
Nune'e SEPS halo ona akizasaun ba sasán nesesidade báziku hodi bele distribui ba família hirak ne'ebé simu ona apoiu.
Entretantu sentru akollamentu hitu ne'ebé sei iha Munisípiu Dili mak hanesan, sentru evakuasaun Merkadu Komoro uma-kain 138, Rate ain Canossa kotuk uma-kain 7, eis restaurante Metiaut 9, Sede Suku Manleuana 41, Igreja parokia Hera uma-kain 14, Kapela Bedik Hera 25, Dom Bosco Komoro 37. (*)