“Reabilitasaun normalmente tama iha atividade rutina sira ne'ebé ministériu sempre hala'o, liliu iha sítius turístiku ne'ebé agora dadauk ne'e iha hela aprovizionamentu, liliu mak kona-ba Cristo Rei ninian, agora iha hela prosesu aprovizionamentu. Ita sei oituan tan, fulan ida-rua tan sira hadi'a ona”, informa Ministru Turízmu Komérsiu no Indústria (MTKI), José Lucas do Carmo da Silva, iha Palásiu Governu, Dili, kuarta (18/08).
Kona-ba kompaña ne'ebé mak atu hala'o rhabilitasaun ba sítiu turízmu hirak ne'e, aprovizonamentu to'o tempu ida mak sei indika, maibé sei iha hela prosesu atu oinsá anunsiu, ne'ebé seidauk to'o iha prosesu konkursu.
MTKI hanesan ministériu ida ne'ebé iha nível nasionál no bainhira iha planu atu hala'o buat ruma tenke identifika uluk prióridade husi fatin turízmu sira hafoin nia reabilitasaun tuir faze.
“Iha ona proridade balu ne'ebé atu hadi'a, ministériu relembra muitu bein hanesan Cristo Rei, tama ona e bele haree hanesan uma sira tasi-ibun iha Lita Store nia oin ho uma sira iha Bebonuk ne'e aat ona, e ministru orienta sira atu hadi'a lalais uluk ida ne'e”, dehan nia.
Tuir estimasaun orsamentu ne'ebé MTKI tau ho valór hamutuk rihun US$40 (40 mill) to'o rihun US$50 (50 mill) hodi halo reabilitasaun ba iha fatin turízmu hirak ne'ebé identifikadu ona. (*)