"Ida ne'e mak dadaun ne'e komunidade enfrenta tanba eletrisidade iha suku 14 seidauk asesu, entaun aldeia 55. hH'u hanoin seidauk mós asesu ba enerjia eletrisidade”, dehan nia hafoin akompaña Xefe Casa Civil nia vizita ba Instituto Boaventura Timor Leste (IBTL) Manufahi, segunda (16/08).

Suku sira ne'ebé seidauk asesu ba eletrisidade hanesan suku Holarua, Tutuluro, Grotu, Daisua, Rotuto, Turiskai, Mendelu, Fatuk Alor, Olao, Liurai, Matorek, Aituha, aldeia balun ho suku Dotik ninian, Fatukberliu, Fahinihan no Bobosusu.

Durante ne'e Autoridade munisípiu sempre rekomenda ba Ministériu kompetente, liuhusi relatóriu, tanba iha tinan 2021 ne'e Governu liliu Ministériu Obras Públika, empreza eletrisidade nian hahú loke ona konkursu ba suku Rotuto, Letefoho, Tutuluro, Grotu, Daisua, Liurai, Mendelu no Weberek.

Entretantu liga ba area saúde nian, sentru saúde sira kuaze iha 29 suku iha hotu ona, maibé menus rekursu umanu hodi fó atendimentu ba komunidade sira.

"Agora problema ida mak falta rekursu tanba ita hari’i tia kondisaun sira ne'e ita presiza ema médiku sira, efermeiru sira, parteira sira oinsá atubele atende komunidade sira, oinsá atu halo tratamentu ba komunidade sira, ida ne'e mak sei falta no ida ne'e mak komunidade sira hasoru”, hatete nia.

Maibé kona-ba Bee-moos iha Manufahi sempre servisu hamutuk ho parseiru sira liliu parseiru hanesan internasionál water aid, luta ba futuru, luta ba mudansa, feto asaun ba sustentabilidade ne'ebé sempre ajuda Governu.

Iha Munisípiu Manufahi investe pursentu 79 komunidade asesu ona bee-moos no falta pursentu 12 mak seidauk asesu. (*)