Login to your account

Username *
Password *
Remember Me

Mundu Koñese Ezisténsia Kooperativa TL Husi FHM

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Suplay

Tempotimor (Aileu)-Sekretáriu Estadu Kooperativa (SEKoop), Elizário Ferreira deklara, nasaun barak iha mundu koñese ezisténsia kooperativa iha Timor-Leste (TL) kusi kooperativa Federasaun Hanai Malu (FHM).

Tanba kooperativa FHM ne’ebé hari’i iha tinan 2000 liubá, no partilla ona esperiénsia kooperativa ho rai barak iha rejiaun oioin ho globalmente.

“Kona-ba imi hola parte iha kooperativa ka Federasaun Hanai Malu, atu ko’alia loloos katak, hodi federasaun hanai malu ne'e mak, mundu ho Timor koñese kooperativa. Iha situasaun ida kooperativa ema la koñese, federasaun mak halo serbisu promove kooperativa. Iha situasaun ida ema lakoñese kooperativa, federasaun mak halo serbisu hodi konfronta ho ema, atu bele koñese kooperativa”, hatete Elizário Ferreira, iha Suku Liurai, Postu Administrativu Aileu Vila, sábadu (14/08).

Iha tinan 2003, iha estrurura Governu nian, kooperativa ne'e iha sesaun ida, no iha 2008 mak foin nakfilak ba Diretór ida, ikus transforma tan sai Sekretária Estadu Kooperativa no Dezenvolvimentu Rurál.

“Maibé, sekretária estadu ne'e, la'o kala fulan neen de'it, depois sekretária estadu ne'e sai tiha, lakon tiha kooperativa ne'e. Mosu fali iha 2012, sektretária estadu ida bolu naran indústria e kooperativa. Lakon tiha filafali iha 2015, e sekretária estadu ida agora SEKoop ne'e, mosu fali iha 2018, kuandu eleisaun antesipada mosu. Iha komemorasaun loron internasionál kooperativa, iha rekoñesimentu nasaun unidu nian ba kooperativa ne'e, la'ós tanba SEKoop, maibé tanba serbisu federasaun hanai malu nian”, afirma nia.

Iha tinan Federasaun Hanai Malu (FHM) 2011, lori TL ba adera ba organizasaun rejionál ASEAN, adere kooperativa ba CPLP iha 2012, envolve iha Aliansa Kooperativa Internasionál no World Council Of Credit Union (WOCCU) iha 2016, bainhira SEKoop seidauk eziste.

“Sé mak lori ba, Hanai Malu. Kooperativa federasaun hanai malu ne'e, sai hanesan sumbriña ida ba movimentu kooperativa kréditu ne'ebé maka hahú iha 2010, e ohin loron sei iha nafatin. Ninia ezisténsia ne’e hanesan mós iha kréditu ne'e, so que hanai malu la fó kréditu ba individu, tanba ninia membru ne'e mak kooperativa”, haktenik nia.

Kooperativa FHM iha programa lima mak hanesan, reforsu institusionál hodi oinsá mak eduka dirijente kooperativa sira, atubele asegura sustentábilidade kooperativa kréditu nian, eduka dirijente, operadór no fiskais kooperativa nian, halo liña kréditu ba membru sira.

Entretantu, Kooperativa FHM hari’i iha tinan 2010, bainhira hahú hetan progresu iha 2012 to'o 2015, sira instala ona sede permanente ida ne'ebé oras ne'e lokiza iha área Lanud, Suku Bairopite.

“Tempu ne'ebá, angota (membru) sira rejísta ho kooperativa 24 iha 2010, entaun iha osan kapitál inisial ne’e US$2,400, hamutuk ho simpanan wajib, pokok, sira ne'e iha laran hotu, entaun osan ne'e atinje US$3,500. Ohin loron, federasaun akomoda kapitál besik rihun-atuslima-(5.500) iha tinan sanulu nia lara”, informa nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter