Login to your account

Username *
Password *
Remember Me

MAPKomS Introduz Programa Hakbi’it Joven ba UNICEF

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, sorumutu ho Reprezentante UNICEF, Bilak Aurang Zeb Durrani ho nia ekipa iha Gabinete MAPKomS, Palásiu Governu, kinta (12/08). Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, sorumutu ho Reprezentante UNICEF, Bilak Aurang Zeb Durrani ho nia ekipa iha Gabinete MAPKomS, Palásiu Governu, kinta (12/08). Foto Tempo Timor

Tempotimor (Dili)-Ministru Asuntu Parlamentár no komunikasaun Sosiál (MAPKomS), Francisco Martins Jerónimo, hala’o sorumutu ho Reprezentante Fundu Nasaun Unidas ba Labarik (UNICEF), Bilak Aurang Zeb Durrani hodi introduz Programa Hakbi’it Joven sira iha suku.

“Ha'u introduz mak ministériu ida ne'e nia lala’ok tuir orgániku oitavo Governu ninia ne'ebé mak iha, maibé ohin ha'u ko’alia ho nia kona-ba halo nusa mak aproveita programa UNICEF ninia ne'ebé foku ba joven sira, entaun ha'u mós introduz ba sira katak iha programa lubuk ida ne'ebé mak MAPKomS iha relasiona ho atividade ne'ebé mak hakbi’it joven sira iha suku”, dehan Francisco Martins iha Gabinete MAPKomS, Palásiu Governu, kinta (12/08).

Tanba pograma hakbi’it joven sira iha suku ne'e importánte tebes tanba bele ajuda joven sira atu asesu ba informasaun ne'ebé mak iha suku, hodi fó ba nível nasionál relasiona ho potensialidade suku nia.

“Entaun liuhusi hakbi’ik ba joven sira iha suku, ho sira-nia sentru ida iha ne'ebá hodi joven sira bele iha kapasidade, nune'e ohin informa ba nia karik UNICEF iha hanoin hakarak atu kapasita joven sira ami sei la'o hamutuk atu haree ida ne'e”, dehan nia.

Iha oportunidade ne'e, ko'alia mós kona-ba rádiu Komúnidade sira ne'ebé mak durante ne'e la'o ona, UNICEF durante ne'e apoiu maka’as tebes, maibé presiza atu update filafali informasaun ba sira nune'e saida tan mak UNICEF ho MAPKomS atu halo iha futuru.

Tanba iha área rurál joven barak potensiál tebes maibé laiha ema atu mobiliza sira, tanba ne'e ba oin MAPKomS ho UNICEF servisu hamutuk oinsá atu halo netik buat ruma atu sira bele iha atividade, nune'e joven sira mós iha kritividade ne'ebé sira iha bele fó sai mós iha públiku.

Reprezentante UNICEF, Bilak Aurang Zeb Durrani, mós orgullu tebes ho kooperasaun refere tanba ne'e sira mós sei nafatin servisu hamutuk ho MAPKomS ba área komunikasaun nia.

“Agradese tebes tanba ita servisu hamutuk ho MAPKomS ne'e kleur ona, liliu iha programa rádiu Komúnidade nia, nune'e ohin ami mós ko’alia tan kona-ba oinsá atu hakbi’it joven sira iha suku ne'e hodi sira bele ativu iha komunikasaun nia ho sira-nia kreatividade ne'ebé iha”, dehan nia. (*)

Rate this item
(0 votes)
Last modified on Thursday, 12 August 2021 19:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter