Projetu deliberasaun, kona-ba revizaun ba valór husi tarifas, ba taxa konsesaun no ba penalidade Portu Tibar nian, ne’ebé aprezenta husi Ministru Finansas, Rui Augusto Gomes.
“Projetu Dekretu-Lei ida-ne’e sai ona hanesan objetu deliberasaun nian iha Sorumutuk Konsellu Ministrus iha loron 28 fulan-jullu tinan 2021,maibé tanba iha alterasaun balun iha faze redasaun finál nian, presiza submete fali Dekretu Lei ne’e ba deliberasaun foun Konsellu Ministrus nian”, dehan Fidelis iha Palásiu Governu, kuarta (11/09).
Tanba revizaun ba valór hirak-ne’e ho fatór indeksasaun 1,061, konsidera diminuisaun tráfegu karga nian, kompara ho previzaun sira, konsidera realidade ekonómika iha tinan hirak ikus ne’e, konsidera difikuldade sira ne’ebé rezulta husi pandemia Covid-19.
Konsidera mós vontade konsesionária nian hodi kontinua dezenvolve projetu no hahú opera ho lais liu, nomós valór sira ne’ebé mai husi revizaun ne’e hanesan ho valór sira ne’ebé sei vigora hela, karik konsesionária hahú ona operasaun iha data ne’ebé prevé ona. (*)
