Print this page

Opozisaun Ejize Governu Investiga Kompaña Distribuidór Sesta Bázika

Deputadu Bankada CNRT, Arão Noe de Jesus Amaral. Deputadu Bankada CNRT, Arão Noe de Jesus Amaral. Foto Suplay

 Tempotimor (Dili)-Deputadu Bankada Opozisaun Congresso Nacionál de Reconstrução de Timór (CNRT), Arão Noe de Jesus Amaral, ejize ba Governu atu loke investigasaun ba kompaña ne'ebé deskonfia komete erru durante hala'o distribuisaun programa sesta bázika.

“Preokupasaun ida ne'e los duni tanba ha’u haree husi totál programa sira ne'ebé sira fahe, sasán ne'ebé komunidade sira simu, tuir ha’u, e tuir observasaun no peskizasaun no monitorizasaun husi asosiasaun balun ne'ebé akompaña katak, husi totál US$50 sira fahe la to'o US$20, entaun restu US$ 30 dolar ba ne'ebé. Tanba ne'e mak ha’u hakarak hatete katak tenke halo investigasaun”, dehan nia iha PN, kuarta (11/08).

Tanba haree ba programa ne'ebé Governu aprova ne'e katak kada ema ida hetan sesta bázika ne'e fulan-dahuluk US$25 no daruak, US$25, ne’ebé soma hamutuk hetan US$50 no tuir planu fó dala ida nian.

Ekuantu pior liu iha programa ne'e hahán balun dodok, balun la kompletu, ida ne'e mós kompaña nafatin ba fahe. Tanba ne’e tenke investiga atu foti sansaun nune'e kompaña bele responsabilidade ba aktu ida ne'e.

Akademista husi Universidade Nasionál Timor Lorosa'e (UNTL), Julio Aparício, lamenta tebes programa sesta bázika, tanba fós balun dois no naran ba sosa manu (ayam) broiler no manu buras ne’e ba ema la hán.

 “Komunidade barak lagosta no kestiona kona-ba ida ne’e maibé tanbá iha ona sira simu de’it balun ba hetan no kompña balun la organizadu’ tanbá kompaña ida ne’ebé di’ak sira sosa netik na’an ne’ebé diak”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items