“Prosesu antes ne'e, kuaze 20 itál ne'ebé mak prosesu hotu ona, iha fulan-juñu ho jullu, sira ne'e balu halo atividade komérsiu ilegál, ne'e mak barak. Ne'e iha fulan kotuk”, informa Diretór Jerál Servisu Migrasaun, Superintendente Asistente, Luis Soares Barreto, iha kna'ar-fatin Vilaverde, kuarta (11/08).
Husi kazu 20 resin ne'e, balu PNTL liuhusi Unidade Patrullamentu Fronteira (UPF) mak kaptura, no balu autoridade Migrasaun Indonézia nian sira mak kaptura, tanba tama ilegál husi fronteira terrestre.
Maibé, ikus mai autoridade Migrasaun Indonézia nian, entrega mai UPF no Migrasaun iha fronteira Batugade hodi prosesa tuir lei nasaun Timor-Leste (RDTL) nian.
“Balu entrega ba polísia investigasaun hodi prosesu kontinuasaun. Sira ne'e maioria timoroan tama sai ilegál fronteira ba Indonézia”, dehan nia.
Tuir dekreru Governu númeru 18/2021, iha artigu 07, kona-ba sidadaun sira ne'ebé tenta no hakarak hakat fronteira ho ilegál iha tempu estadu emerjénsia ho serka sanitária, sei selu multa ka komas hahú husi dollár tolunolu (US$30) to'o atusrua-limanolu (US$250). (*)
