Login to your account

Username *
Password *
Remember Me

MF Informa Polítika Investimentu Fundu Minarai Ba Lú Olo

Ministru Finansas (MF), Rui Augusto Gomes. Ministru Finansas (MF), Rui Augusto Gomes. Foto Tempo Timor

Tempotimor (Dili)-Ministru Finansas (MF), Rui Augusto Gomes  informa, polítika investimentu fundu minarai ne’ebé Governu halo ona ba Prezidente Repúblika (PR), Francisco Guterres 'Lú Olo’ atubele informadu kona-ba fundu minarai.

“Ita bolu segimentasaun de fundu ka ita haree fundu ne'e ba fatin rua, ida mak mak ita bolu dehan karteira likidas ne'e atu garante katak, durante proximu tinan 3 ne'e ita bele iha osan atu finansia orsamentu jerál estadu, segundu karteira kresimentu, ne'e katak osan sira ita la foti husi lekidas ne'e ita investe filafali iha asaun nomós iha tipu sira mai abanbairua nia retornu filafali bele mai finansia fali ased likidu ne'e”, esplika Ministru Rui Gomes iha Palásiu Prezidensiál Bairopite, sesta (06/08).

Razaun halo segimentasaun fundu ida, tanba primeiru hatene hahú husi tinan 2019 to'o agora nia levantamentu liu rendimentu sustentavel estimadu, purtantu ida ne'e nia tau risku boot tebtebes ba fundu.

Enkuantu lei dehan foti de'it pursentu 3 maibé foti pursentu 5 ne'e siknifika, bainhira ho ridmu ida foti osan hanesan ne'e mak fundu ne'e durante tinan 10-11 sei hotu, ida ne'e mak problema prinsipál ida.

“Segundu ita-nia reseita petroliferu mós komesa monu, monu ne'e tanba presu mina rai e mós volume produsaun maske foin lalais ne'e ita rona katak, Bayu-Undan bele prolonga tan tinan 2-3, maibé osan ne'ebé mak ita espera atu hetan purvolta 200 ou 300 millaun de'it la iha tan ona”, hatete nia.

Maibé iha parte terseiru mak haree purezemplu retorunu investimentu sira ne'ebé Timor-Leste halo dadaun ne'e, nia retornu ne'e ki’ik liu fali buat ne'ebé espera, tanba volatilidade ka osiliasaun iha merkadu finanseiru ne'ebé ita la konsege kontrola no ema seluk uza osan atu investe iha buat oioin.

Tanba volatilidade ida ne'e mak mesmu Timor-Leste kaer purezemplu asaun sira ne'e tau pursentu 100 iha asaun nia retornu, ne'e mós sei la to'o no pursentu 3 entaun siknifika tenke hamenus risku ba fundu ne'e rasik no atu hamenus risku ida ne'e mak halo segimentasaun ba fundu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter