Login to your account

Username *
Password *
Remember Me

Governu ‘Faila’ Kobre Reseita Husi Monumentu Dom Boaventura

Monumentu Dom Boaventura iha Munisipiu Manufahi. Monumentu Dom Boaventura iha Munisipiu Manufahi. Foto Suplay

Tempotimor (Dili)-Membru Komisaun Permanente husi bankada FRETILIN iha Parlamentu Nasional (PN) deputadu Joaquim dos Santos, konsidera Governu gasta osan saugati ba Monumentu Dom Boaventura iha Munisípiu Manufahi  tanba faila kobre reseita ba kofre estadu.

“Liga mós ba Dom Boaventura nian iha Same, uluk ita halo festa boot, iternasionál mós mai hotu, gasta osan barak atu mate, ha’u lahatene sura osan hira karik. Tuir lolos ita iha retornu tiha ona, ema loroloron tama sai, la kontrola, ita gasta osan atu fó servisu ba ema e atu hetan reseita, ita gasta osan saugati de'it”, dehan nia iha plenária Parlamentu Nasionál, tersa (03/08).

Dadauk, monumentu Estátua Dom Boaventura ne’ebe hari’i iha Luak, Postu Administrativu Same, Munisípiu Manufahi, iha tinan 2012,  agora dadauk ligasaun ba fiu sira ne'e laiha, haris fatin inklui fatin ba ema atu tur mós laiha hotu ona.

Tanba, deputadu sira ba haree iha monimentu refere ne'e, governu konsege fó servisu ba ema barak, maibé laiha kontrola ba vizitante sira tama sai.

“Buat hothotu destruidu, lahatene uluk governu entrega monumentu ne'e ba se”, dehan nia.

Ho ida ne’e, husu ba Ministru Asuntu Parlamentar no Komunikasaun Sosiál (MAPKomS), Francisco Jerónimo atu hato'o hela ba Ministériu Turizmu no Komersiu Industria (MTCI) atu responsabiliza serbisu ne'ebé governu anterior sira halo.

“Dala ida tan ha’u husu ba seu Ministru Asuntu Parlamentar no Komunikasaun Sosiál, dehan ba Ministériu Turizmu Komersiu no Industria (MTKI), mai iha parlamentu, esplika tok, osan sira uluk ita gasta”, dehan nia.

Ba kestaun ne'e, Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, Governu rejista ona ejizensia ida ne'e, no sei haruka ba MTCI atubele responsabiliza.

Maibé mós sei informa ba Ministru MTCI, atu reuniaun plenária tuir mai, nia partisipa hodi bele ko’alia ho deputadu sira, atu esplika kona-ba relasaun ho turizmu komunitáriu, inklui fatin sira ne'ebe mak durante ne'e halo ona, maibé abandona hela, laiha atensaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter