Login to your account

Username *
Password *
Remember Me

Ezekusaun OJE 2021, RAEOA Foin Atinje Pursentu 11

Prezidente Autoridade Rejiaun Administrativa Espesial Oekussi Ambeno (RAEOA), Arsénio Paixão Bano. Prezidente Autoridade Rejiaun Administrativa Espesial Oekussi Ambeno (RAEOA), Arsénio Paixão Bano. Foto Suplay

Tempotimor (Dili)-Prezidente Autoridade Rejiaun Administrativa Espesial Oekussi Ambeno (RAEOA), Arsénio Paixão Bano hatete, progresu ezekusaun Orsamentu Jerál Estadu (OJE) tinan 2021 ba RAEOA atinje ona pursentu 11 (11%).

“Semana kotuk, Primeiru Ministru deklara ami mak aat liu, pióres 7 pursentu (7%), ohin (02/08) ha'u mai to'o ne'e, ami iha ona 11 pursentu (11%). Ha'u fiar katak to'o tinan ikus ne'e ami 80 pursentu (80%)”, hatete Arsénio Bano, iha Rezidénsia PM, Taur Matan Ruak, Farol, segunda (02/08).

Antes ne’e, montante orsamentu husi OJE tinan 2021 nian ne’ebé aloka ba RAEOA hamutuk millaun US$127, maibé progresu ezekusaun foin atinje pursentu 11.

“11 pursentu (11%), tanba hanesan ohin ha'u dehan, ami hahú iha marsu, halo ajustamentu ho sistema free balance ne'e, e tender barak foin mak halo hotu, projetu hanesan eskola, estrada foin mak hahú, ne'e mak ha'u fiar 80 pursentu (80%) iha fin do ano ne'e”, afirma nia.

Maske nune'e, husi valór orsamentu hamutuk rihun US$127 ne'e, inklui mós verba orsamentu ba Postu Administrativu Ataúro hamutuk rihun US$20, nune'e autoridade RAEOA sei koloka ba dezenvolvimentu iha illa Ataúro.

“Orsamentu Ataúro ne'ebé tama iha Verba Oekussi nian iha 20 milhões. Tinan ida ne'e sé komisaun ne'ebé mak lidera husi Ministériu Administrasaun Estatál, hotu, Oekussi transfere 13 milhões. Ida ne'e siknifika, ezekusaun ne'e lansung iha pengaruh. Ataúro nia osan mak 20 milhões, nia bele projetu multi anual to'o tinan hira ne'e, laiha problema”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter