Produtu hirak ne'ebé kontribui hanesan fós rai ho tonelada hamutuk atustolu, tanba sosa husi kompaña sira iha Munisípiu Manufahe laran, inklui foremungu ho tonelada hamutuk atusida, ne'ebé sosa husi Munisípiu seluk.
“Kontribuisun ita-nia iha sesta bázika, tuir dadus ne'ebé mak tama husi inan-aman sira, liliu Xefe Aldeia sira, katak ita iha kuazu 300 itál, ba haree toneladas ne'ebé mak hola husi kompaña sira, nomós hola ita-nia foremungu, kuaze iha 100 itál tonelada ne'ebé sosa husi kompaña sira Munisípiu seluk”, informa Xefe Suku Fatukahi, Moizes Acaçio da Costa Pinto "Labalaba", iha nia rezidénsia, kuarta (28/07).
Tanba Sesta Bázika hanesan parte ida atu motiva komunidade sira atu halo produsaun nafatin hodi prepara ba futuru, maibé labele hein ema atu hola,
“Maibé oinsá mak ita produz ba ita nia uma laran. Realidade agora iha mudansa oitoan, horseik nia kuda haree, agora nia hasai haree, lansung tama foremungu", dehan nia.
Dzde inísiu, bainhira eleitu nu'udár Xefe Suku, sira avansa kedas ho halo toos no halai natar, hamutuk ektare 13, no ema kolleta kuaze tonelada 15, hafoin produsaun aumenta ba bebeik to'o iha tonelada 17, sa'e ba 32,5, no agora kuaze tonelada hamutuk atusrua (200).
"Ida ne'e iha kotuk, agora ne'e mak ita foin hatun. Iha époka ida ne'e foin mak hatun. Maibé, iha époka ida ne'e rasik, agora ita hasoru peste. Ita iha haree, batar, foremung, fore rai, fore kelin mak laiha. Jadi, uluk ita-nia inan-aman sira iha kraik ne'e, barak liu mak uza rai natar ba kuda de'it haree. Maibé, sira la kontinua ba kuda buat seluk”, esplika nia.
Tanba ne'e mak sira halo ona koordenasaun ho Ministériu Agrikultura no Peskas (MAP) liliu Diresaun Peskiza, atu oinsá bele fó apoiu fini foremungu, para kontinua ba kuda iha rai ne'ebé mak durante ne'e sei abandona hela. (*)