SEKoop Rekomenda CU-FNC Halo Re-estrutura

Vise Prezidente CU-FNC, José da Costa ko'alia hela ba www.tempotimor.com  iha Asembleia Extraordináriu Kaibada, domingo (18/07). Vise Prezidente CU-FNC, José da Costa ko'alia hela ba www.tempotimor.com  iha Asembleia Extraordináriu Kaibada, domingo (18/07). Foto Suplay

Tempotimor (Baukau)-Sekretáriu Estadu Kooperativa (SEKoop), Elizário Ferreira, husu ba dirijente Kooperativa Kréditu Uniaun Fini Naroman Caibada (CU-FNC) atu halo re-estrutura ba dirijente atubele hamrik ba futuru.

“Assembeia jerál ne'e atu aprova katak kooperativa tenke ba oin nafatin ne'e primeiru, agora imi-nia problema saida?. Imi-nia problema boot liu laiha, imi problema ne'ebé iha mak dirijente sira, dirijente sira la ko'alia ba malu, uluk osan laiha sira dirijente sira tau ulun ba malu (tidin ulun ba malu) ko'alia ema la rona, agora ne'e ko'alia ne'e hamriik dook de'it mak ko'alia, tan ida ne'e mak problema lideransa sira, entaun ba oin imi deside reestruturasaun ba imi-nia organizasau”, hatete Elizáriu Ferreira iha CU-FNC, domingu (18/07).

Tanba ne’e husu ba membru sira ne'ebé mak durante ne'e empresta osan bele entrega fila atu lori kooperativa ida ne'e ba oin no labele monu ba dalaruak tanba antes ne'e CU-FNC monu tanba lideransa sira ideia la han malu.

Entretantu Vise Prezidente CU-FNC, José da Costa hatete presiza hadi'a entretura tanba balun moras inklui balun labele ona hala'o servisu tanba ne'e mak atu hadi’a no iha mós membru balun ne'ebé mak seidauk bele entrega osan empréstimu sira.

“Assembleia Extraordináriu ne'e atu hadi’a fali CU-FNC nian, tanba durante ne'e problema ne'ebé ami hasoru maka ami mak tanba tempu COVID-19 mak ami-nia membru dada-an sai, tanba de'it membru balun foti tiha osan kreditu tanba de'it Covid-19 la fó fila, no ami mós hadi’a, tanba ami-nia konsellu diretivu ka dirijente sira, como balun ladún fiar malu, no balun mós moras ona karik, balun labele ona karik ida ne'e mak atu hadi’a para kooperativa bele la'o fila fali ba oin”, dehan nia.

Antes ne'e SEKoop mós fó treinamentu ba membru na’in-rua ba kooperativa atu ajuda hodi motiva, organiza inklui mobiliza atu hadi’a di'ak liután iha kada kooperativa rasik.

Nune'e, Cosme da Costa Lopes, nu'udar membru CU-FNC ne'ebé durante ne'e hetan ona formasaun husi SeKoop hatete, problema ne'ebé CU-FNC hasoru garante sei rezolve ho di'ak tanba iha xave mak transparénsia.

“Ida ne'e hanesan faze primeiru ne'ebé problema ami hasoru agora atu halo reestrutura ne'e ami foin mak ko'alia iha ne'ebá atu ba oin ne'e oinsá, estrutura foun mai  garante 100% mobiliza sira, tanba primeiru ne'e nia xave mak ne'e, tenke ko'alia transparénsia ba malu, atu di'ak ka aat tenke ko'alia ba terbuka ba malu”, afirma nia.

Iha CU-FNC ne'e mós menus popupansa obrigatória (simpanan wajib) tanba iha situasaun pandemia Covid-19 nian, dadaun iha membru 301 ho osan kapitál hamutuk rihun US$88-resin. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter