SEKoop Enkoraza Kooperativa Beiky Sahe Ostiku Aprezenta Programa ba Eskola

Komitiva Edukasaun Kooperativa Beiky Sahe Ostiku, Konstancio da Costa Freitas, ko'alia hela ho www.tempotimor.com iha Sede Provizóriu Ostiku,sabadu (17/07). Komitiva Edukasaun Kooperativa Beiky Sahe Ostiku, Konstancio da Costa Freitas, ko'alia hela ho www.tempotimor.com iha Sede Provizóriu Ostiku,sabadu (17/07). Foto Suplay

Tempotimor (Baukau)-Sekretáriu Estadu Kooperativa (SEKoop), Elizáriu Ferreira, husu ba Kooperativa Beiky Sahe Ostiku atu aprezenta programa kooperativa ba kada eskola.

"Ko’alia ba Diretór da eskola, para imi ba aprezenta imi-nia programa ruma ba eskola, loron ida, mais ba loron ida ne'e ko'alia loos de'it mak simpanan pendidikan ne'e, halo análize ida di'ak, dehan katak atu asegura imi-nia futuru,bele to'o lisensiatura entaun mobiliza konsellu dos Pais, ba halo reuniaun esplika ba sira”, dehan Elizáriu iha Sede Provizóriu Kooperativa Beiky Sahe Ostiku, sábadu (17/07).

SeKoop mós kontinua enkoraza Kooperativa Beiky Sahe Ostiku atu servisu maka’as hodi kontinua buka membru Koperativa hodi sai sasukat iha Grupu kooperativa ida nian.

"Atu hatete de'it katak, imi-nia membru ne'e aumenta ladún barak, liu ema na’in-tolunulu karik, loos ka lae?. Ha'u sei lembra, maibé situasuan pandémiku bele halo problema, e imi bele prense membru sigkifika katak, imi servisu, segundu imi-nia depózitu ne'e aumenta, imi-nia osan aumenta ne'e di'ak, maibé iha vida kooperativa la'ós osan mak sai sasukat, membru mak sai sasukat, tanba ita-nia kooperativa ne'e la'ós osan nian maibé ema nian”, dehan nia.

Maibé durante tempu pandemia Covid-19, Kooperativa Beiky Sahe Ostiku konsege hatama depózitu hamutuk liu millaun resin, nune'e SEKoop husu hodi kontinua badinas buka membru sira.

Entretantu, Komitiva Edukasaun Kooperativa Beiky Sahe Ostiku, Constancio da Costa Freitas hatete, membru seidauk barak tanba iha esperiénsia pasadu balun ne'ebé sira hasoru to'o osan lakon, la siknifika katak la'ós la fiar kooperativa ne'e rasik.

"Difikuldade ne'ebé ami hasoru mak ne'e, tanba ema barak ne'ebé seidauk hetan konfiansa, la siknifika katak la'ós sira la fiar kooperasaun ida ne'e, maibé ho esperiénsia pasadu ne'ebé mak iha, sira-nia osan lakon, entaun sira sei ta'uk hela ida ne'e, tanba ida ne'e ho sorumutu ida hanesan ne'e ami bele fahe informasaun ba sira, motiva sira mai ita hamutuk foti malu liuhusi parte ekonomia nian”, dehan nia.

Kooperativa ne'e nia naran Beyki Sahe tanba iha tinan 1975, Veteranu Sahe ne'ebé mak hari’i uluk kooperativa ida nune'e jerasaun husi Ostiku kontinua Kooperativa ne'ebé mak Saudosu Sahe rai hela.

Kooperativa Beyki Sahe Ostiku, oras ne'e iha ona membru 92, feto hamutuk 47 no mane 42 ho nia fundu pasiva hamutuk US$31.125. (*)

 

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter