Print this page

Kooperativa CU-LMSJ Uza Software SICU Atende Kliente

Prezidente Kooperativa CU-LMSJ, Jose, Pe. Mário de Carvalho Soares, ko'alia hela ba média sira iha Salaun São Jose Diocese Baukau, sábadu (17/07). Prezidente Kooperativa CU-LMSJ, Jose, Pe. Mário de Carvalho Soares, ko'alia hela ba média sira iha Salaun São Jose Diocese Baukau, sábadu (17/07). Foto Tempo Timor

Tempotimor (Baukau)-Prezidente Kooperativa Crédito Uniaun- Loron Matan São José (CU-LMSJ), Pe. Mário de Carvalho Soares, hatete Kooperativa CU-LMSJ uza ona aplikasaun Sistema Informátika Crédito Uniaun (SICU) hodi atende kliente sira.

"Ami elabora tanba haree ba sistema servisu manuel ne'e komplikadu la halimar e presiza tempu ne'ebé barak no atendimentu ne'ebé kle'ur tanba manuál, ami haree ba ida ne'e katak iha nesesidade importante tebetebes atu iha software ida rasik, atu bele halo atendimentu digitál ne'ebé lais liu iha dentru de 3 minutu iha kada kliente”, dehan Pe. Mário Iha Salaun Saun José Dioseze Baukau, sábadu (17/07).

Mezmu, CU-LMSJ uza aplikasaun Sistema Informátika Crédito Uniaun (SICU) maibé, seidauk iha lansamentu ofisiál ba aplikasaun, tanba pandemia Covid-19 halo programadór labele mai Timor-Leste.

"Oras ne'e ami uza ona software ida, ne'ebé agora ami uza ona maibé nia ansamentu ofisiál mak seidauk, tanba programadór iha hela nasaun Indonézia, bainhira situasuan Pandemia ne'e di'ak ona, sira bele tama ona Timor, no sei halo lansamentu ofisiál no sei tau iha komunikasaun sosial sira bele asesu kona-ba ami-nia lansamentu de utilizasaun sistema software ne'ebé ba própriu ba Loron Matan São José nian”, dehan nia.

Nune'e, Sekretáriu Estadu Kooperativa (SEKoop), Elizário Ferreira hatete, Kreditu Uniaun sira mak bainhira iha kapitál ne'ebé boot nia risku aumenta ba bebeik no dirijente tenke akompaña bebeik.

"Tanba saida mak akompaña?. Retornu ki’ik, ema la interese, mais kuandu kapitál komesa boot, to'o 15, no 20 milhões ba leten, ne'e iha kuidadu didi’ak, ema balun sei mai ho pasta, atu investe osan, investe oinsá mai husi manipulador sira, entaun Kréditu Uniaun sei monu no sei mosu osan falsu sira tanba ida ne'e tenke asegura”, dehan nia.

Tanba tempu tuir mai kliente hothotu sei la bá hola sasán ruma iha merkadu sei la uza osan maibé uza de'it telemóvel no no liuhusi kartaun kreditu sira.

"Aban bairua ita bele lori telefone ba sosa sasán iha merkadu tanba hafasil ita”, afirma Elizáriu Ferreira. (*)

 

Rate this item
(0 votes)
Last modified on Saturday, 17 July 2021 21:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items