“Atu partilla informasaun kona-ba importánsia dezenvolvimentu kooperativa nian hodi kontribui ba dezenvolvimentu Nasionál no kontribui kresimentu nasionál, no ko'alia mós ba dirijente Kooperativas sira São José, loron Matan foinsa'e kona-ba saida mak kooperativa, nomós prinsípiu Koperativa, no ko'alia kona ba valor no prosesu Koperativa nian”, dehan Elizáriu Ferreira iha Salaun S. José Dioseze Baukau , sábadu (17/07).

Tanba Governu laiha orientasaun ba to'o iha kada Kopertaiva nia planu interna maibé esplika lala'ok kooperativa nian ne'ebé mak durante ne'e hasoru.

Nune'e, Prezidente  Kooperativa Crédito Uniaun- Loron Matan São José (CU-LMSJ), Pe. Mário de Carvalho Soares hatete, semináriu ne'e tanba membru balun ne'ebé mak oras ne'e seidauk hatene lala'ok kooperativa nian to'o ohin loron.

“Ohin ko'alia kona-ba kooperativa ninian, atu promove kooperativa iha Timór,  tanba ami iha ne'e kooperativas lubuk ida ona ne'ebé la'o hela, ne'ebé Governu mai vizita liuhusi Sekretáriu Estadu Kooperativa nian, maibé iha Kooperativa balun ne'ebé ami kria iha nível área rurál ne'e ema sira seidauk hasoru malu ho Sekretáriu Estadu Kooperativa, hodi hatene planu polítika nasionál kooperativa ne'e mak saida?. Ho ida hanesan ne'e informasaun ne'ebé di'ak tebetebes vale apena kria kooperativa, entre grupu iha komunidade nia leet atu hadi’a sira nia ekonomia família”, dehan  nia.

Kooperativa Crédito Uniaun- Loron Matan São José (CU-LMSJ) hari’i iha tinan 2013, no oras ne'e membru hamutuk rihun-rua-resin ho nia kapitál hamutuk millaun US$6.7-resin. (*)