Print this page

Rui Castro Distribui Manu Buras Rihun-24 ba Komunidade Bekora

Manu (Ayam Buras) ne'ebe distribui husi Emprejáriu Rui Castro ba komunidade Aldeia Becusi-Kraik iha Sede Suku Becora, sesta (16/7). Manu (Ayam Buras) ne'ebe distribui husi Emprejáriu Rui Castro ba komunidade Aldeia Becusi-Kraik iha Sede Suku Becora, sesta (16/7). Foto Tempo Timor

Tempotimor (Dili)-Emprezáriu Timoroan Rui Castro distribui manu-moris (ayam buras) hamutuk rihun-24 ba komunidade aldeia 4 iha suku Bekora, Postu Administrativu Cristo Rei, Munisípiu Dili.

Xefe suku Bekora, António da Silva Soares hatete, prosesu ne'e hala'o, tanba emprezáriu Rui Castro mak responsabiliza ba distribuisaun sesta bázika inklui manu ba aldeia haat, (Kakeu-Laran, Bekusi Kraik, Bekusi Sentru, no Berbidu) maibé iha momentu ne'eba manu sei ki'ik entaun aldeia Bekusi Klaik la hetan.

Tanba ne'e, iha sesta (16/07), deistribui ona manu hamutuk rihun-neen-resin ba totál komunidade 3.400 iha aldeia Bekusi-Kraik, ema ida hetan manu-rua.

"Semana kotuk bá, sasán sesta bázika ne'e sira simu hotu ona, ne’ebé iha momentu ne'e manu sei ki’ik, ne'e mak kompaña foti desizaun, manu ne'e so fahe iha dia 16 jullu para pas manu ne'e boot. Ne'e mak iha kinta to'o sesta 16 jullu sira fahe hotu ona, aban bainrua laiha ona”, hatete nia iha kna’ar fatin Bekora, sábadu (17/07).

Enkuantu sesta bázika ba aldeia 10 iha suku bekora ne'e, aldeia tolu simu iha toko Jacinto, aldeia 4 simu husi emprezáriu Rui Castro, no aldeia tolu simu iha kompaña Tiktek. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com