"Orsamentu ba Kooperativa ida atu halo uma ne'ebé dignu ba sira mak tuir sukat ne'ebé kooperativa iha US$7.500 ba kada Kooperativa, maibé bainhira ba sira atinje númeru tanba kooperativa ne'e beismember, ha'u labele fó osan boot ida ba halo uma ida depois la'ós ema mak hela maibé bibi mak hela fali”, dehan Elizáriu iha Gariuai, Fatumaka, Baukau, sesta (16/07).
Ho apoiu ne’e atubele hari’i sede no Material Kooperativa nian, maibé Ba Koperativa Multisetorál Roman Furak Fatumaka (KMRFF) sei presiza aumenta númeru membru hodi bele hetan apoiu refere.
“Ne'e la'ós fó osan, ne'e atu halo sira-nia Sede Kooperativa nian, tanba iha kooperativa la fó osan ba malu, sira rasik mak tau sira-nia osan e parte Sekretáriu Estadu mai ne'e atu reforsa sira, tanba sira iha ona membru akomodadu 74, entaun promete ba sira ema ida lori tan ema ida kuandu atinje 250 pesoál, sira sei hetan reforsu ruma atu halo sira-nia sede inklui ekipamentu”, esplika nia.
Maibé Kooperativa iha Munisípiu Baukau ne’ebé la'o di'ak hanesan iha Postu Administrativu Kelikai no Laga. Dadaun ne’e Kooperativa Multisetorál iha Munisípiu Baukau rejistu hamutuk 60-resin ne’ebé dezenvolve ba oin. (*)