Print this page

Oscar Lima Dezafia Joven TL Kria Kampu Servisu Rasik Featured

Prezidente CCI-TL, Oscar lima Prezidente CCI-TL, Oscar lima Foto especial

Tempotimor (Dili) – Prezidente Kámara Komérsiu Indústria Timor-Leste (CCI-TL), Oscar Lima dezafia joven Timor-Leste kria kampu servisu ba an rasik. Nia dehan, labele hein de'it atu sai funsionáriu públiku.

"Ohin loron, dezempregu barak tebes. Tanba ita nia oan, ita nia alin sira ne'ebé mak sai husi eskola, kada tinan liu 15.000 mak formandus no agora ita halo oinsá mak fó formasaun ne'ebé adekuadu no apropriadu, para oinsá fó servisu ka sira bele fó servisu ba sira nia an rasik," dehan Oscar Lima iha Timor Plaza, Kinta (25/07/2019).

Nia hatete, joven labele hotu-hotu hein de’it atu sai funsionáriu estadu. Maibé, balun tenke sai emprezáriu. “Ida ne’e mak ami ko'alia no halo nusa mak ami buka hodi prepara kedas ida ne’e," hatuir prezidente CCI-TL ne'e. 

Oscar kongratula no fó korajem ba estudante sira ne'ebé finaliza ona estudu atu bele kria kampu servisu rasik. "Prinsipál ba joven sira ne'ebé mak agora foin akaba eskola. Oinsá mak buka maneira no aprende fali área seluk. Labele hein de’it mak buka atu sai funsionáriu estadu,” nia dezafia.

Tuir emprezáriu Timor-oan koñesidu ne'e nia observasaun, agora dadauk ema barak hein de’it atu tama ba funsionáriu estadu. Maibé, difisil. Tanba, dezempregu agora aas tebes no Governu laiha kapasidade para fó servisu ba ema hotu-hotu.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items