SEKoop ho Kompaña Ensera Distribuisaun Sesta Bázika Iha Ainaru

SEKoop, Elizário Ferreira hato'o hela diskursu durante halo enseramentu sexta bázika iha Salaun Administrasaun Munisipiu Ainaru, sexta (09/07).  SEKoop, Elizário Ferreira hato'o hela diskursu durante halo enseramentu sexta bázika iha Salaun Administrasaun Munisipiu Ainaru, sexta (09/07).  Foto Tempo Timor

Tempotimor (Ainaru)-Governu liuhusi Sekretária Estadu Kooperativa (SEKoop) hamutuk ho kompaña fornesedór Sesta Bázika ensera ona distribuisaun ai-hán ba populasaun sira iha Munisípiu Ainaru.

“Ha'u agradese teb-tebes kooperasaun ho autoridade ninian, e ha'u lori funsionáriu hothotu SEKoop nian husu deskulpa karik buat ruma ne'ebé mak hala'o ladi'ak durante distribuisaun sesta bázika nian, komunikasaun hirak ne'ebé ladun di'ak, e book bebeik autoridade suku ho aldeia sira kona-ba programa ida ne'e”, dehan SEKoop, Elizário Ferreira iha Salaun Administrasaun Munisípiu Ainaro, sesta (09/07).

Agradese mós ba apoiu seguransa husi Komandu PNTL Munisípiu Ainaro nian ne'ebé durante halo akompañamentu ba prosesu distribuisaun tomak husi inísiu to'o remata.

Durante atividade distribuisaun ai-hán sesta bázika, SEKoop mós halo avaliasaun ba kompaña fornesedór sira, hodi atribui mós sertifikadu rekuñesimentu ba autoridade lokál no komunitáriu sira inklui seguransa.

Entretantu Pontu fokál programa Sesta Bázika iha Ainaro, Manuel Ramos Pinto hatete, programa sesta bázika ne'e, populasaun munisípiu Ainaro eziste Xefe família ho totál rihun-15.603, no membru família hamutuk rihun-88.145.

“Depois sira ne'ebé mak simu ona mak rihun 86.569, ida ne'e totál membru família ne'ebé mak sai hanesan benefisiáriu ba programa ida ne'e”, haktenik nia.

Nune’e Diretór Kompaña Maristi, Afonso Barreto, agrade SEKoop, tanba ho programa Sesta Bázika motiva ona kompaña sira nomós povu sira ne'ebé benefisia ona ai-hán sesta bázika.

Durante sira halo distribuisan, laiha problema ruma mak mosu husi komunidade sira, maibé iha kooperasaun ne'ebé di'ak tebes, inklui ho parte membru PNTL sira ne'ebé fó ona seguransa.

“Ami hato'o agradese no obrigadu barak ba programa ne'e, e ami husu nafatin katak, programa ne'e labele para, maibé kontinua nafatin iha futuru mai para motiva ita-nia povu agrikultór sira bele ativu liután no produtivu liután”, dehan nia. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter