CU-RADIFU Ajuda Vitórino Hari'i Loja no Apotik Zumaina

Membru CU RADIFU, Vitórino Barreto ko'alia hela ho média sira iha salaun enkontru Postu Administrativu Ainaru Villa, sexta (09/07).  Membru CU RADIFU, Vitórino Barreto ko'alia hela ho média sira iha salaun enkontru Postu Administrativu Ainaru Villa, sexta (09/07).  Foto Suplay

Tempotimor (Ainaro)-Cooperativa Uniăo-Rai Didiak Ba Futuru (RADIFU) konsege ajuda membru, Vitórino Barreto, hodi hari’i loja ida no apotik Zumaiza iha Postu Administrativu Ainaro Vila, Munisípiu Ainaro.

Tanba dezde tinan 2013 envolve-an iha kooperativa kréditu ne'e, nia sente hetan ona benefísiu barak no nia rezultadu hatudu progresu ne’ebé di’ak.

“Benefísiu ne'ebé mak durante ne'e ha'u hanesan membru ida husi RADIFU, maibé membru ida ativu tebes. Ha'u durante sai membru, ha'u kontente, ohin loron ho emprestimu, ha'u bele dezenvolve ha'u-nia moris. Husi inisiu, ha'u-nia moris ita bele konta, dadersan, meiudia ho kalan atu hán mós susar. Maibé, ho emprestimu ida husi RADIFU, ha'u bele dezenvolve, ha'u bele hatete katak iha Ainaru, ha'u fó ezemplu di'ak ida ba membru hothotu”, haktuir Vitórino iha salaun enkontru Postu Administrativu Ainaru Villa, sesta (09/07).

Tanba entre membru sira iha CU-RADIFU, nia mak ema halo emprestimu barak liu, maibé osan hirak ne'e nia konsege transforma moris família nian tuir nesesidade kada loron.

“Iha ne'ebá, la sala, ha'u mak empréstimu barak liu, depois ho emprestimu ida ha'u bele dezenvolve ha'u-nia moris iha família. Ha'u durante ne'e, loke farmásia klinika ho loja Zumaina iha Ainaru, liuhusi kreditu, dezde tinan 8 ona”, dehan nia.

Ho kooperativa ne’ebé iha mak to'o ohin loron nia bele foti osan hodi hadi'a ninia moris família nia.

"Ida ne'e mak ha'u hatete katak liuhusi emprestimu sira ne'e halo moris ba ha'u-nia moris lorloron. Sé ha'u la kréditu, ha'u labele moris, tan dalan seluk laiha para ha'u atu buka osan. Jurus ne'ebé hetan mak prusentu 2 (2%)”, esplika nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter