Login to your account

Username *
Password *
Remember Me

SEKoop Termina Formasaun Kooperativa Husi ACCU

Diretór Jerál Kooperativa iha SEKoop, Francisco Xavier. Diretór Jerál Kooperativa iha SEKoop, Francisco Xavier. Foto Tempo Timor

Tempotimor (Dili)-Sekretária Estadu Kooperativa (SEKoop) termina formasaun kooperativa ba formandu sira ne'ebé fasilita husi Asean Confederation Credit Union (ACCU).

Formasaun virtual ne’ebé hala’o durante loron tolu, husi loron 28 to'o 30 fulan-Juñu tinan 2021, iha salaun enkontru SEKoop nian iha Akait.

“Matéria hothotu foku ba asuntu kooperativa ninian liliu kona-ba oinsá halo planu, oinsá mak halo relatóriu finanseira ninian, oinsá mak haree risku manajemen ne'ebé mak akontese iha kooperativa sira. Matéria ida ne'e di'ak, tuir ha'u-nia haree e ida ne'e mak formadór sira sei kanaliza informasaun ba ita-nia kooperativa sira iha áreas rurál”, hatete Diretór Jerál Kooperativa iha SEKoop, Francisco Xavier, iha kna'ar-fatin Akait, Formosa, kuarta (30/06).

Formasaun ne’ebé hala’o atu hasa'e koñesimentu di'ak liután ba formadór sira atu aban bainrua iha formasaun ruma karik, bele iha referénsia barak hodi bele tranzmite filafali ba membru no movimentu kooperativa sira hotu iha Timor-Leste.

“Matéria sira ne'e prátika ba ita-nia formadór sira para aban bainrua kuandu sira komprende ona kona-ba matéria hirak ne'e ami hanoin sira sei uza matéria hirak ne'e, bainhira sira hala'o formasaun, sira bele uza matéria hira ne'e hato'o ba ita-nia membru kooperativa sira”, nia esplika.

Formasaun refere foka liuba nível tolu (3) no haat (4) iha ne'ebé partisipa husi formadór sira iha nível nasionál, inklui membru husi movimentu kooperativa sira hamutuk ema na'in-30.

Enkuantu, formasaun ne'e fasilita husi Asean Confederation Credit Union (ACCU), bezeia ba memorandum intendimentu ne'ebé antes ne'e hala’o entre SEKoop ho ACCU.

“Formasaun ida ne'e fasilita husi ACCU, sira mak oferese ba ita, bazeia ba memorandum ne'ebé foin lalais ita asina ho sira. Ne'ebé sira hatete ona katak, ami sei ajuda imi nafatin para ita bele dezenvolve ita-nia kooperativa, e sira fó motivasaun ita nafatin oinsá mak ita bele sai husi difikuldade ne'ebé mak ita hasoru iha Timor-Leste hodi avansa ba oin”, dehan Xavier. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter