Print this page

Xefe Suku Maubara Lissa Agradese Ba Prezensa SEKoop iha Suku

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Tempo Timor

Tempotimor (Dili)-Xefe Suku Maubara Lissa, Filomino Manuel, agradese ba prezensa husi Sekretáriu Estadu Kooperativa (SEKoop), Elizário Ferreira, hodi observa direta atividade produsaun iha suku laran.

“Ha'u sente orgullu, tanba señor sekretáriu estadu bele hili fatin ne'e atu mai vizita, e ho loron ida ne'ebé loloos ne'e loron deskansa, maibé sekretátiu estadu bele mai vizita. Agradese ba sekretáriu estadu tanba ho nia programa ida ne'e ami komunidade simu, tanba iha ne'e iha grupu kuda modo ho rai osan no foti osan”, dehan Xef Suku ne'e, ba www.tempotimor.com iha Suku Maubara Lissa, sábadu (26/06).

Prezensa SEKoop nian iha komunidade nia leet, importante atubele motiva komunidade no membru sira iha grupu Barkaun, oinsá hakat ba oin no atu tau mós iha planu ajende governu nian ba futuru.

Atividade produsaun ne'ebé durante membru grupu Barkaun sira halo, la'o di'ak tebes, tanba sira bele kuda modo, rai no empresta osan.

"Ne'ebé ha'u sente kapás tebtebes bainhira na’i-ulun ida mai, liliu sekretáriu estadu ohin mai iha ne'e, ami sente kontente tanba bele mai haree sira-nia atividade lorloron nian ne'ebé ke hala'o”, haktenik nia.

Tanba ida ne'e, husu ba SEKoop atu servisu hamutuk nafatin ho grupu kreativu sira iha Maubara Lissa, atu nune'e bele tulun membru sira dezenvolve di'ak liutan atividade produsauná

Rekursu naturál ne'ebé eziste iha Suku Maubara Lissa mak hanesan, kafé, maek, Baunila ho seluk tan.

Entretantu, Suku Maubara Lissa, kompostu aldeia 6, ho totál populasaun ne'ebé pertense ba suku ne'e hamutuk ema na'in-2267. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items