Login to your account

Username *
Password *
Remember Me

SEKoop Finaliza Distribuisaun Sesta Bázika Iha Likisá

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Tempo Timor

Tempotimor (Likisá)-Sekretáriu Estadu Kooperativa (SEKoop) hamutuk ho kompaña fornesedór sira finaliza ona distribuisaun ai-hán sesta bázika ba populasaun sira munisípiu Likisá.

SEKoop, Elizário Ferreira fó agradese ba kompaña fornesedór sira, ho autoridade lokál nomós ajente seguransa ho defeza sira husi instituisaun PNTL ho Falintil-FDTL iha munisípiu Likisá, tanba iha koolaborasaun servisu, durante fahe ai-hán ba populasaun sira to'o finál.

“Primeiru, atu agradese ba kompaña sira, aseita atu hola parte iha distribuisaun sesta bázika. Normalmente, distribuisaun sira ne'e la'o di'ak, balu hanoin dehan tenke manán barak, balu dehan tenke manán di'ak, balu hanoin problema dehan kustu, e populasaun lamenta kona-ba tanba saida la to'o tiha 50 dollár”, dehan Elizário Ferreira, iha salaun Administrasaun Postu Likisá Villa, sesta (25/06).

Maibé husu mós ba autoridade sira dala-ruma la hakmatek liuliu PNTL ho FFDTL iha ne'e, tanba ekipa kontatu hela de'it no husu nafatin kompaña sira, ne’ebé dalarua obriga sira tenke lalais.

Ba futuru dala-ruma laiha ona progrma sesta bázika, maibé sei iha programa seluk ne'ebé bele sai hanesan métodu dezenvolvimentu seluk governu bele halo, maibé importante mak nafatin iha kooperasaun entre komapaña ho SEKoop.

“Ikus liu, ha'u mós hato'o obrigadu wa'in ba ita-nia administradór postu sira, administradór munisípiu ho nia dirijente sira, ba Xefe Suku sira, dala-ruma ami sempre kontatu imi, karik iha buat ruma mak ami-nia funsionáriu sira halo ladun di'ak karik, ami husu deskulpa, e parabéns ba ita hothotu, tanba servisu ida ne'e termina ona”, afirma nia.

Nune’e mós Diretór Kompaña Betuhei, Oscar Lima, agradese ba Administradór Munisípiu Likisá ho Postu Administrativu na'in-tolu (3) tanba koordenasaun servisu hodi konsege rezolve ona naksalak balu to'o distribuisaun remata.

“Ida ne'ebé mak akompaña servisu ba ha'u-nia kolega emprezáriu sira hothotu mak iha ne'e, e ha'u hakarak hatete katak, ami tenta buka halo ida ne'ebé mak di'ak. Sé balu hetan prémiu, balu la hetan prémiu, ida ne'e la'ós problema ba ami emprezáriu sira, importante mak ita iha responsábilidade atubele akaba servisu ne'ebé ita-boot sira fó mai ami”, dehan Oscar.

Maske la'ós ema hothotu mesak iha kapasidade, maibé dalaruma iha fallansu oioin, hanesan pagamentu husi governu tarde, nune'e halo balu osan la sufisiénte.

“Devezenkuandu ba ami ne'ebé nia osan to'o, halo balu ne'ebé mak osan la to'o, nia tenke dada oituan. La'ós tanba nia mak lakohi atu halo, maibé kondisaun rasik mak obriga com que nia tenke halo hanesan ne'e duni”, hatete nia.

Durante iha serimónia enseramentu ne'e, SEKoop distribui mós sertifikadu apresiasaun ba kompaña Betuhei, Star World, Green Mota Ain, ho autoridade lokál sira, inklui membru PNTL no Falintil-FDTL.

Entretantu, totál benefisiáriu iha Munisípiu Likisá ne'ebé benefísia ai-hán sesta bázika husi SEKoop, kuaze rihun-102-resin, husi Postu Administrativu Bazartete (suku 9), Maubara (suku 7), no Likisá Villa (suku 7). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter