Login to your account

Username *
Password *
Remember Me

Oscar Lima Agradese Programa Sesta Bázika Benefísia Povu

Prezidente Cámara Comérçio e Indústria de Timor-Leste (CCI-TL), Oscar Lima. Prezidente Cámara Comérçio e Indústria de Timor-Leste (CCI-TL), Oscar Lima. Foto Tempo Timor

Tempotimor (Dili)-Prezidente Cámara Comérçio e Indústria de Timor-Leste (CCI-TL), Oscar Lima, apresia no agradese ba governu, tanba programa Sesta Bázika liuhusi fahe ai-hán ne'ebé fó benefísiu direta ba povu.

“Ha'u reprezenta hanesan prezidente kámara komérsiu industria Timor-Leste, ami fó obrigadu boot tebes ba governu, oitavu governu konstitusional ne'ebé nia konsege kria sesta bázika iha Timor-Leste. Sesta bázika ha'u hanoin programa ida que ha'u di’ak, tanba nia benefisiu ne'e diretamente ba ita-nia inan-aman sira, ita-nia oan sira bele hán”, dehan Oscar Lima iha salaun Administrasaun Postu Likisá Villa, sesta (25/06).

Maibé husu ba governu atu kontinua ho programa ne'ebé hanesan iha futuru hodi tulun família vulnerável (kiak ho mukit) sira.

“Ha'u hanoin ida ne'e mak programa ida que di'ak, e ita espera katak, programa sira hanesan ne'e mak programa ida ne'ebé mak kona tebes ba ema ida-idak nia uma-kain. Ida ne'e ha'u hanoin buat ida importante”, deklara Oscar.

Maske nune'e, husu ba governu atu fó konfiansa nafatin ba emprezáriu timoroan sira, tanba iha situasaun difísil, sira sempre hamutuk ho governu hasai ajuda povu husi susar no terus laran.

“Ami husu hanesan prezidente Cámara de Comérçio, fó prioridade ba emprezáriu nasionál tanba kuandu momentu ne'ebé ita susar, ita kuandu buka emprezáriu internasionál, buka mós lahetan. Atu hakarak ka lakohi, imi-nia oan sira kiak hela maibé, imi-nia oan sira sei hamutuk nafatin ho ita-boot sira t'oo ne'ebé de'it, enkuandu rai ida Timor ne'e seidauk hotu, emprezáriu timoroan sei hamutuk nafatin ho ita-boot sira (governu)”, dehan nia.

Tanba ne’e dezafia governu atu brani foti risku hodi dezenvolve atividade ekonómia iha munisípiu 12 ho RAEOA nune'e, bele fó kampu servisu ba joventude sira hotu iha teritóriu tomak. (*)

Rate this item
(1 Vote)
Last modified on Saturday, 26 June 2021 12:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter