Print this page

SEKoop Selu Ona Kompaña Fornesedór Sesta Bázika 26

Ai-hán Sesta Bázika. Ai-hán Sesta Bázika. Foto Suplay

Tempotimor (Dili)-Sekretária Estadu Kooperativa (SEKoop) hamutuk ho Ministériu Finansa (MF) selu ona kompaña hamutuk 26 ne'ebé fornesedór ai-hán sesta bázika ba populasaun sira iha munisípiu 7.

“Pagamentu sesta bázika ne'e, primeiru ita halo ona, tanba komapña sira ne'ebé naton iha primeiru pagamentu ne'e, sira simu metade, e agora ne'e sira simu kompletu. Sira ne'e kuaze kompaña lubuk ida mak seidauk hetan pagamentu fiál, e iha primeiru pagamentu ne'e, iha ona 50 pursentu (50%)”, informa Diretór Jerál Kooperativa iha SEKoop, Francisco Xavier, ba www.tempotimor.com iha kna'ar fatin, Akait, kuarta (23/06).

Pagamentu ba segunda faze nian, dadaun ne’e MF hahú loke fali ona sistema atendimentu atu halo pagamentu ba sesta bázikanian, tanba ne'e SEKoop komesa halo prosesu aprovizionamentu ba kompaña sira, molok submete ba MF hodi halo pagamentu.

“Prosesu ne'e agora atu la'o, iha tempu badak kuandu dokumentu ne'e kompletu ona, entaun manda ba finansas para bele pagamentu tuir mai ne'e, finál ona”, hatete nia.

Tanbe ne'e, SEKoop hein hela kompaña fornesedór sesta bázika sira ne'ebé distribuisaun ai-hán remata ona, atu submete ona relatóriu hodi nune'e bele haruka ba MF.

“Agora, ami hanoin, pagamentu tuir mai ne'e sufisiente para selu ba ita-nia kompaña sira ne'ebé mak foin remata sira-nia distribuisaun. Kuaz hothotu balu finál ona, balu seidauk finál, tanba foin lalais iha orsamentu ne'ebé mak koloka mai iha SEKoop ne’e limitadu oituan, tanba ne'e mak fahe ida ne'e para iha pagamentu primeiru ne'e hothotu hetan”, esplika nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items