"Ha'u la'ós aprovisionamentu, ne'e problema tékniku entaun se mak haree?  iha ne'ebá iha Aportíl, iha Diresaun Nasionál Transporte Marrítima (DNTM), diresaun ne'ebé toma konta ba aprovisionamentu. Ha'u la orienta para ema ida atu viola lei, viola regras, klaru katak asaun hotu hotu tenke la'o iha koridór regra, aprovisionamentu ne'e problema tékniku sira mak halo,” Dehan ministru José Agostinho da Silva ba jornalista sira iha Palásiu Governu, Ohin (14/06).

Ministru ne’e dehan, maske ró Transhit II iha problema aprovizionamentu, maibé konetividade marítima la'o nafatin hodi sustenta komunidade Oekussi no Ataúro. Kona-ba kondisaun husi ne'ebé ne’e problema tékniku.

"Iha situasaun ida ne'e governu nia prezensa ne'e importante, oinsá buka meiu para iha nafatin konetividade, tenke asegura nafatin agora ró husi ne'ebé, maneira akuizasaun ne'e problema tékniku sira mak tenke hatene, mais balun dehan ministru asina, sim ha'u aprova, eh aprovasaun ministru nian ne'e nu'udar aktu sekundáriu prosesu sira la'o ne'e, iha duni nia nesesidade,” katak Nia.

Entretantu www.tempotimor.com tenta konfirma ho diretór ba Diresaun Nasionál Transporte Marítima (DNTM), maibé nia parte laiha fatin.(*)