MAPKomS-MTCI Apoiu Fós Saka 450 Ba Komunidade Iha Maubara

By Tempo Timor June 13, 2021 902

font size decrease font size increase font size
Print
Email

MAPKomS, Francisco Martins Jerónimo ho MTCI, José lucas do Carmo entrega hela fós simbolikamente ba komunidade sira iha postu Maubara, Sabadu (12/06). Foto Tempo Timor

Tempotimor (Likisá)-Ministru Asuntu Parlamentar no Komunikasaun Sosial (MAPKomS), Francisco Martins Jerónimo hamutuk ho Ministru Turizmu Komersia no Industria (MTCI), José Lucas do Carmo, fó apoiu fós hamutuk saka 450 ba komunidade suku haat iha postu Administrativu Maubara, Munisípiu Likisá.

“Ajuda umanitária ne'e relasiona ho situasaun kalamidade ne'ebé mak akontese iha loron 04 fulan-abríl liuba no serka sanitária ne'e mós fó impaktu ba komunidade balun nia moris tanba ne'e mak ita mai fó ajudu ba sira”, dehan Ministru Francisco Martins iha Maubara, sábadu (12/06).

Entretantu Suku haat ne'ebé hetan apoiu umanitária mak suku Lisadila, Giso, Vato-Vou no Vato-Voro.

Iha fatin hanesan, Administradór Postu Maubara, Domingos Alves Correia, agradese MAPKomS ho MTCI ne’ebé fó apoiu umanitária ba komúnidade sira.

“Agradese tebes tanba bele marka ona prezensa iha ami-nia fatin hodi ajuda ami-nia komúnidade sira iha suku haat ho fós 450 sakus”, dehan nia. (*)

Rate this item

(0 votes)

Last modified on Sunday, 13 June 2021 21:29

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com