Iha Serimonia distribuisaun ne'e Country Manager APHEDA Timor Leste, Elisabeth Lino de Araújo hatete, misaun APHEDA foku ba edukasaun no saúde maibé tanba situasaun obriga fó apoiu Umanitária.
"Ami atu koko fó liu ida ne'e mais ami-nia forsa mak la to'o tanba ami-nia programa prinsipál iha Timor ne'e la'ós umanitária maibé tanba situasaun ami koko atu halo saida mak ami bele hodi reforsa Sindikatus" dehan Elisabeth iha Sede KSTL, segunda(07/06)
Nune'e Prezidete KSTL, Almerico Vila Nova, agradese ba APHEDA tanba konsege apoiu ona membru KSTL iha situasaun difísil.
"Hakarak hato'o agradesimentu wa'in ba APHEDA tanba konsege duni apoiu ita iha situasaun difísil ida ne'e, nomós b ekipa tomak ne'ebé mak loron hirak liuba ajuda no ohin konsege realiza duni eventu iha dader ida ne'e" dehan Prezidente KSTL
Apoiu urmanitária ne'e hetan suporta husi membru Sindikatus ne'ebé mak iha Austrália ne'ebé fasilita husi organizasaun APHEDA ho osan montante US$9.468.50 hodi apoiu Sindikatus Traballadór Timor Leste.
Husi item ne'ebé KSTL hamutuk ho APHEDA fahe mak kada uma kain ida hetan fós 20kg, mina litru 1,75, mantolun no sasán bázika seluk tan. (*)